An Easter Festival Is Happening This Weekend In Gemmayze!

حزروا شو؟ خبرية حلوة كتير إنو بلشت أجواء العيد بالجميزة وصراحة اليوم الجو رح يكون ولعان، زينة وأغاني وفرح العيد وأكل طيب كتير… شوفوا معنا شو ناطركن هالويك-أند ببيروت.

إذا عبالكن تحسوا بأجواء عيد الكبير ومش عارفين شو تعملوا ولا لوين تروحوا، رح ناخدكن اليوم مشوار على الجميزة ونخبركن عن أبرز نشاطات Easter يلي عم بصير بالأشرفية من السبت 30 الشهر لنهار الاثنين أول الشهر من الساعة 3 بعد الضهر للساعة 11 بالليل مع كافة التفاصيل.

مهرجان Street Festival محضرلنا متل العادة مفاجآت كتيرة. مش بس هيك رح فيكن تحسوا بجو عيد الكبير بكل زاوية من زوايا المنطقة وكل المطاعم جاهزة تستقبلكن ورح تشوفوا الناس كلا مبسوطين ومعيدين والدخول مجاني للكل.

الأجواء مليانة فرح وموسيقى ورقص وفي ألعاب للولاد وكتير قصص مهضومة من تفقيس البيض للألعاب للموسيقى وركوب الخيل وزيارة المزرعة وتجربة القطار وقصص كتير ومغامرات ما بتخلص.

لهيك، كونوا كتار وعيدوا مع كل لي بتحبوهن!

لتعرفوا أكتر ما إلكن غير تتصلوا بفريق Street Festival على 420 004 81.

شوفوا كمان، شو قصة الكبة الحزينة؟ بتنعمل نهار الجمعة العظيمة!