A Romantic Chalet Overlooking the Sea in Batroun

منطقة البترون عروسة الصيف ووجهة أساسية لكل محبي البحر بلبنان. اليوم بدنا نخبركن عن مطرح مميز بالبترون لتقضوا عطلة غير شكل هالصيفية. تعرفوا معنا اليوم على شاليه E By the Sea، شاليه رومانسي نايم على البحر بالبترون.

بتتمشوا بشوارع البترون وبتنزلوا على درج زغير بحيّ مهضوم، بتلاقوا شاليه E By the Sea ناطركن على قعدة من العمر جنب الشط. شاليه بياخدكن على عالم بعيد عن العجقة، بيتميز بالرواق ونفس البحر والقعدة اللي بتفرفح القلب. بعيد بس فشخة عن البحر وموجاتو، عندو موقع مميز اللي عبالو ينزل يتمشى على الشط، يسبح بالبحر، ويقضي نهار غير شكل تحت شمس البترون.

بيتميز الشاليه بجو بحسّسكن إنكن رحتو على جزيرة إستوائية. عندو قعدة على البلكون  بتطل على منظر بياخد العقل للموجات، ومرجوحة لتقعدوا تروقوا راسكن وتتفرجوا على البحر. 

شاليه E By the Sea عندو قعدة دوبلكس وديكور مودرن وجو رومانسي. أوضة قعدة مجهزة بكل وسايل الراحة، مضوية بالشمس وبينسم عليها هوا البحر، مطبخ زغير وحمام مهضوم. وفوق بتلاقوا أوضة نوم مريحة وهادية، وقعدة بالبانيو بتاخد العقل.

بعد نهار طويل على الشط، بتقدروا ترخوها بالبانيو، تروقوا أعصابكن، وتتفرجوا على البحر من قلب عالمكن الخاص. 

الشاليه بيتميز بمنظر لغروب الشمس رح يسحركن بالبترون، بتقدوا تتفرجوا مع الشريك على الألوان الشمس الدافية على البحر، وتقضوا ليلة من العمر.

الصبحيات بتقعدوا على التراس، بتشربوا فنجان قهوة على صوت البحر وبتجربوا أكل طيب، بتاخدوا أحلى الصور وبتعيشوا أحلى اللحظات. 

للمزيد من المعلومات أو الحجز، إتصلوا على 499 404 70.

شوفوا كمان، مطعم ديارنا الخضرا: قعدة خيالية فوق النبع بالشوف