١٦ مطعم بقعدة مميزة جنب النهر حول لبنان

عبالكن غدا طيب على صوت المي وقعدة الأحلام على ضفاف النهر؟ لنقضي أحلى صيفية سوا بقلب طبيعة لبنان، خلونا نتعرف على 16 مطعم مميز بقعدة جنب النهر حول لبنان.

1. مطعم شلالات الزرقا – بعقلين، الشوف

قعدة رومانسية بقلب قارب الميّ جنب شلالات بعقلين، مطعم مليان ورد ومناظر خيالية على سفرة غير شكل.

الرقم: 301 560 03

2. مطعم المملكة – الباروك

مطعم المملكة بيقدم سفرة لبنانية أصيلة وقعدة ساحرة الجمال على ضفاف نهر الباروك.

الرقم: 143 865 03

3.مطعم البستان – وادي الحجير، النبطية

بتلاقوا على ضفاف نهر الليطاني مطعم البستان المميز، من أجمل المطاعم العائلية لتجربوا أكل طيب على صوت الميّ وتقضوا نهار من اللعب والسباحة.

الرقم: 727 246 81 – 160 815 71

4. مطعم فوار الحاصباني – حاصبيا

مطعم فوار الحاصباني قاعد جنب الميّ الصافية والجنينات الساحرة، مكان مميز هالصيفية بحاصبيا.

الرقم: 586 297 03

5. مطعم النهر – بسكنتا

بتلاقوا عند مطعم النهر قعدة فوق النهر ببسكنتا، بتقدروا تتصيدوا سمكاتكن وتجربوا مازة غير شكل على مناظر ساحرة الجمال للجبال.

الرقم: 197 288 04

6. مطعم نبع البحصاصة – حاصبيا

مطعم نبع البحصاصة مخبى بأحضان الطبيعة جنب نهر الحاصباني. عندن تراس مميز على صوت النهر وطواحين الميّ وقعدة كتير رومانسية.

الرقم: 000 553 07 – 778 777 70

7. مطعم الطاحونة – بعقلين، الشوف

مطعم الطاحونة مخبى بين الشجر والطبيعة وجار النهر بمنطقة بعقلين، بتنبسطوا بأطيب غدا لبناني وبتسردوا مع النهر ونسمات الهوا اللطيفة.

الرقم: 802 885 76

8. مطعم نهر رشعين – رشعين، زغرتا

إذا عبالكن غدا مميز جنب النهر بزغرتا، أو سهرة من العمر مع الجمعات الحلوة، مطعم نهر رشعين عندو أحلى الأجواء للناس اللي بتحب الأكل الطيب والمشاوير المهضومة.

الرقم: 692 666 06

9. مطعم وادي شمسين – برالياس، البقاع

مطعم وادي شمسين بيقدم تراس غير شكل جنب النهر، قوارب بقلب الميّ وجنب البطات، وكمان جنينات ساحرة الجمال، من أفضل المطاعم لتجربوها هالصيفية بالبقاع!

الرقم: 377 677 81

10. مطعم نبع عنجر – عنجر، البقاع

عبالكن قعدة على صوت النبع والبط بمطعم مزيّن بالورد؟ مطعم نبع عنجر من أطيب المطاعم تجربوها مع العيلة، عندو دجاج مشوي كتير طيب، سمك مقلي، مازة بتشهي، وسفرة مليانة وعامرة بأشهى الأطباق، عدا عن اللحمة النية اللي بقدمها!

الرقم: 590 000 71

11. مطعم ع هواك – مزرعة النهر، عاليه

مطعم عنجد ع هواكن! بتلاقوا هالمطعم بمزرعة النهر، مزين بالورد الملون وعندو قعدات كتير مهضومة جنب النهر.

الرقم: 970 650 81 – 488 400 71

12. مطعم رازميغ – عنجر، البقاع

مطعم رازميغ بياخدكن رحلة رومانسية بأحضان عنجر، بيتميز بقعدة ساحرة على صوت الميّ، وجو روعة من الرواق بقلب الطبيعة.

الرقم: 822 620 08

13. مطعم عين الياسمين – الجاهلية، الشوف

الجاهلية من أغنى المناطق بلبنان بالطبيعة الخلابة، وإذا بتميلوا عند مطعم عين الياسمين بتاكلوا أكل طيب وبتسبحوا بالميّ الصافية وبين غابات المنطقة.

الرقم: 471 126 71

14. مطعم لي بويز Le Bois – بالوع بلعا، تنورين

مطعم مميز قاعد على نبع بالوع بلعا، منظر الوادي وصوت الميّ الصافية والأكل الطيب رح يروقلكن راسكن على الآخر!

الرقم: 597 212 03 – 901 322 81

15. مطعم نهر الشيخ – طرابلس

قعدة برود جنب النهر! رح يكون نهاركن غير شكل، مع المي الجارية والقهوة على الفحم والغدا بالطبيعة.

الرقم: 637 230 03

16. مطعم جزيرة عنجر – عنجر

إذا عم تفتشوا على مطعم بلقمة ولا أطيب، على قعدة جنب الميّ وجو عائلي، ألعاب للولاد ورحلة على شختورة، مطعم جزيرة عنجر من أطيب المطاعم لتكملوا نهاركن بقلب عنجر!

الرقم: 733 620 08

شوفوا كمان، ٥ بيوت ضيافة لتقضوا شهر عسل من دون ما تسافروا بلبنان