عيشوا أجواء جزيرة سانتوريني من قلب البيت الأزرق

عبالكن تسافروا على جزيرة سانتوريني اليونانية من دون سفرة؟ مشوا معنا نشوف شو مخبى عند Nomads Nature and Nurture بوادي الدير بسرحبال الشوف! لقينالكن البيت الأزرق اللي بيقدم تجربة ساحرة هالصيفية. لكل محبي الطبيعة والقعدة الغجرية، عيشوا أجواء جزيرة سانتوريني من قلب البيت الأزرق!

البيت الأزرق بيقدم قعدة غجرية بقلب الطبيعة، مخباية عن العالم ومحاوطة بالشجر وأصوات الغابة. الموديل الأزرق والأبيض بحسسكن رحتوا على جزيرة سانتوريني الشهيرة باليونان، بتلاقوا الجو الرايق والقعدة المريحة اللي بتروق الراس!

البيت الأزرق عبارة عن بيت الأحلام، مزين بألوان الورد والنبات المعلّق، المراجيح المهضومة، وقعدة تراس بمنظر بياخد العقل للغابات بالمنطقة.

فيكن ترخوها على التراس مع جاط فواكة وتنبسطوا بالهويات، أو تغطسوا بالمسبح وتقضوا كل النهار عم تسبحوا بالميّ الباردة وبنص الطبيعة.

البيت الأزرق من جوا بياخد العقل! معتمد ألوان الأبيض والأزرق الرايقة، التفاصيل والنقشات اليونانية الأصيلة، بتلاقوا شبابيك كبيرة مفتوحة على الغابة، مرجوحة غير شكل لترتاحوا عليها، وشجرة بنص الأوضة بتضفي جمالية وسحر على قعدتكن.

الغرف كلها مجهزة بكل شي ممكن تحتاجوا، بتلاقوا تخت مريح وجو هادي وديكور ساحر ورومانسي بكل زاوية من البيت!

والأحلى انو Nomads Nature and Nurture عندن نشاطات متنوعة وحلوة بالطبيعة، من مراجيح فوق النهر، لسهرات نار ودروب مشي بقلب الغابة.

للمزيد من المعلومات، اتصلوا على 709 370 76

شوفوا كمان، ٥ مسابح مميزة بالجبل لازم تزوروها هالصيفية