لمحة عن الأسعار الخيالية لتجديد الباسبورات!

ما بتتخايلوا قدي صارت أسعار تجديد الباسبورات بلبنان! شي عنجد خيالي!

أصدرت مديرية الأمن العام اللبناني جدول جديد برسوم معاملات استخراج جواز السفر اللبنانيي، وهيك كانت الأسعار الجديدة:

• باسبور لمدة خمس سنين: 000 000 6 ل. ل.
• باسبور لمدة عشر سنين: 000 000 10 ل. ل.

وهل شي بيعني إنو مش بس الأسعار دوبلت وتربلت عن السنة الماضية لا بل زادت عشر أضعاف وهل شي بعمرو ما صار، وهلق رح نفرجيكن لمحة زغيرة عن كيف كانت أسعار السنة الماضية لإذا عبالكن تقارنوا:

• باسبور لمدة خمس سنين: 000 600 ل. ل.
• باسبور لمدة عشر سنين: 000 200 1 ل. ل.

بمعنى آخر صار بكلف تجديد الباسبور بلبنان حوالي 109$، يلي هوي مبلغ كبير بالنسبة لعيل كتير وعلماً إنو الحصول على باسبور يعتبر حق طبيعي لأي فرد بأي بلد كان!

أما جواز السفر السريع فبكلف: 4.2 مليون ل. ل. (بالإضافة لرسوم جواز السفر الأصلية) يعني مثلاً إذا عم تجددوا باسبور على 5 سنين بكلفكن 112$ وإذا على 10 سنين حوالي 155$.

وإذا بدنا نقارن جواز السفر اللبناني بباقي الدول منشوف قدي كلفتو عالية ومن الأعلى عالمياً وما حدا بيعرف شو السبب، مثلاً بيبلغ سعر الباسبور الإسباني 33$، والأردني 70$، أما السلوفاكي 35$.