نهار كامل من الفرح والحماس للعيلة عند أوكلاند بالجنوب

صار بدها ضهرة مع العيلة! بلشت الصيفية وبلش موسم الضهرات، ولأنو عودناكن على أجمل المطارح، خلونا اليوم نتعرف على أوكلاند بالجنوب وتحديداً بحاصبيا. أوكلاند بيقدملكن نهار كامل من الفرح والحماس للعيلة.

أوكلاند مخبى بأحضان طبيعة حاصبيا وقاعد على ضفاف نهر الحاصباني، وبيقدم نهار غير شكل للعيلة بالطبيعة!

كل النشاطات الحلوة بتلاقوها عند أوكلاند، عندن جنينات كبيرة لترخوها تحت الشجر، حديقة حيوانات أليفة وبرية مهضومة للولاد، كمان ملاعب واسعة للولاد ليسرحوا ويمرحوا على راحتن.

بتلاقوا نشاطات متنوعة ورياضات حماسية لكل الأعمار، من تسلق و Zipline وركوب الخيل وسباق سيارات وقصص كتير حلوة إذا عبالكن جو مغامرة وتسلية.

بتقضوا أحلى نهار على نهر الحاصباني عند أوكلاند، عندن مناظر طبيعية خيالية، مطعم بيقدم مختلف الأطباق الشهية لغدا عائلي مميز بالهوا الطلق وعلى صوت المي، وبتقدروا تركبوا بالقارب بقلب الميّ وتتفرجوا على البط والطبيعة الساحرة بالمنطقة.

شو ناطرين؟ ضهرة للعيلة كاملة متكاملة عند أوكلاند بالجنوب!

للمزيد من المعلومات، اتصلوا على 999 166 76.

شوفوا كمان، قعدة بالطبيعة وتسلق بين شلالات جزين…شوفوا معنا هالمطرح