قعدة بالطبيعة وتسلق بين شلالات جزين…شوفوا معنا هالمطرح

مين ما بيحب يزور جزين بالصيفية؟ هالمشوار خصوصي لمحبي الطبيعة والمغامرة، اللي بيقضوا عطلتن عم يقطعوا دروب المشي ويكتشفوا الطبيعة والجواهر المخفية بقلب لبنان. اليوم رح نطلع على جزين المشهورة بشلالاتها وطبيعتها الجبلية الإستثنائية! ونخبركن عن مطرح لتتخيم كتير مميز، شميسي بيقدم أحلى قعدة بالطبيعة وتسلق بين الشلالات. خلونا نتعرف على هالمطرح سوا.

شميسي بيضمن تجارب مميزة هالصيفية بالطبيعة، عندن أراضي زراعية لتكتشفوا جزين على رواق، وهالمطرح مخبى بين شلالات جزين، كمان بيقدم تجربة تخييم مميزة بأحضان الطبيعة أو جنب النهر، ونشاطات حماسية متل التسلق والHiking ودروب المشي.

شميسي معمول خص نص للعالم اللي بتفتش على تجارب حلوة بالطبيعة أو حابي تهرب كم يوم عن عجقة المدينة، بتجمعموا أصحابكن وبتحجزوا أحلى مشوار.

بتتمشوا فوق جسور الخشب، بتكتشفوا الطبيعة وأسرارها لجزين، بتخيموا لطلوع الضو، بتعملوا سهرة نار مع النجوم، بتسبحوا بالنهر الجاري، وبتتسلقوا وجنبكن شلالات جزين الساحرة، تجربة من العمر!

شو بعدكن ناطرين؟ يلا حضروا غراضكن وجهزوا الصباط المريح واتجهوا عند شميسي.

للمزيد من المعلومات، اتصلوا على 760 527 81

شوفوا كمان، ٤ محلات تخيم مميزة لازم تزوروها بلبنان