كنافة ع الفحم: محل جديد بنص بيروت مكسر الأرض

شو أكتر شي بيطلبوا كرشنا نهار الأحد الصبح؟ أكيد أطيب ترويقة للناس المصحصة بكير: الكنافة.

الكنافة هي الشي الوحيد يلي ما ممكن نبعد عنو وكيف إذا كانت معمولة على الفحم! حابين نعرفكن على “كنف” محل فتح جديد بالسوديكو عندو أطيب كنافة. هوي منو محل كبير كتير، كيوسك على قدو مهضوم ونضيف كتير وإختصاصو شي واحد بس: كنافة على الفحم.

هل طريقة بالكنافة كتير معروفين فيها الأتراك، بس كنف بيعملها على طريقتو الخاصة. بيشوي الكنافة قدامكن بيرجع بقدمها مع شوية قطر وفستق وورد. الجبنة لي فيها أحسن نوعية بس مش بس هون القصة، بس تتقدم فيكن تزيدوا عليها الtoppings لي بدكن متل الشوكولا المر واللوتس.

وهلق في شي جديد فات على الخط: كنافة مع بول بوظة ورشة فستق على الوج. بتاكلوا صابيعكن وراها خاصةً بهل شوبات!

الحلو بهل محل إنو عطول عندن مفاجآت جديدة.

إذا كنتوا فايقين من النوم وعبالكن كنافة أو ضرب الجوع فجأة بوقت بريك الشغل أو مسربين من سهرة، صرتوا تعرفوا وين تروحوا.

كنف… إذا دقت علقت!

لتعرفوا أكتر عن هل محل، اتصلوا على 558 231 71

شوفوا كمان، لأول مرة بلبنان: بوظة على غاردينيا!