١٥ شغلة بتصير معك بس تكون بمحل تياب بلبنان

كلنا بس نروح على السوق منشوف أشكال ألوان، خلونا نتعرف على أنواع الشخصيات لي منصادفها بس نروح نعمل shopping بلبنان.

١. الموظف يلي بلزق عليك لأن بدو يبيعك بالقوة

٢. الموظف يلي بفوت معك لجوا من دون خجل ليشوف إذا التياب زابطين

٣. لما يجي الموظف ويصير بدو ينزلك بضاعة المحل كلا من دون ما تكون فتحت تمك

٤. الموظف يلي بيتفرج عليك من بعيد كل الوقت بتحس حالك مراقب كل الوقت

٥. الموظف يلي بيبقى شايفك كيس مصاري متحرك وبدو يشريك كل شي موجود بالمحل

٦. عندكن الزبون يلي جايي يتفرج وما بدو يشتري

٧. ولي بقضي تلات رباع الساعة برا على الفترين عم يتفرج على التياب وما بدو بفوت على المحل

٨. يلي على أساس جايي يتفرج بس بيشتري نص المحل

٩. يلي بصير يخترع حجج لما يشتري:
يلا بعمل برمة وبرجع
يلا رح شوف مع إمي
شيلولي ياها على جنب راجعة

١٠. يلي بينطر ليصير على الصندوق ليقرر شو بدو يشتري وبنطر كل الناس ورا

١١. في يلي بدو يبرم السوق كلو قبل ما ياخد قرار نهائي

١٢. في يلي بدو يشارع ساعة على السعر

١٣. في يلي بقول إنو بيرجع آخر الشهر بعد القبض وأكيد بيختفي

١٤. وفي يلي بيخرب الدني بالمحل وبالآخر ما يشتري شي

١٥. في يلي بيبقى جايب معو العيلة كلا ليشتري قطعة تياب زغيرة

وإنتو أيا نوع شخصية بالshopping؟

شوفوا كمان، أسوأ ١٧ شغلة ممكن تقولوها لبيكن اللبناني.