١٧ فيلم لبناني فيكن تحضروهن ع Netflix

عم تدوّر ع شي جديد تحضرو؟ هيدا دليل 2025 لكل محبي الأفلام اللبنانية، لقينالكن ١٧ فيلم لبناني فيكن تحضروهن هلّق ع نتفليكس Netflix!

1. أبو رياض مين قدو (2007)

المخرج: ناصر فقيه

الوصف: بتبلش القصة على إنها سفرة مشان جنازة بمصر، بس بعدين بتتحوّل لمغامرة للبحث عن كنز للمحارب القديم أبو رياض ومعو المبتدئ عباس.

2. ليالٍ بلا نوم (2012)

المخرج: إليان الراهب
الوصف: الفيلم بيتابع ضابط مخابرات سابق من الميليشيا وأم مقاتل مفقود، وهني عم يتعاملوا مع الحياة، الألم، الخسارة بعد الحرب الأهلية بلبنان.

3. الطريق (2015)

المخرجة: رنا سالم
الوصف: زهقانين من تغيّرات بيروت اللي ما بتوقف، بيقرروا زوجين شباب يهربوا برحلة طريق نوستالجية ع جبال لبنان الطبيعية والقرى المهجورة.

4. جدار الصوت (2019)

المخرج: أحمد غصين

الوصف: رجّال عم يجرّب يهرب من الحرب بلبنان، بيسافر أول شي ع الجنوب ع ضيعتو ليدوّر على بيّه، وبيلاقي حالو علقان مع أربع أشخاص تانين.

5. تحت السموات والأرض (2020)

المخرج: روي عريضة
الوصف: بالوقت يلي عم تمرّ بيروت بموجة تفجيرات بسيارات مفخخة، مندوب مبيعات تعبان من كل شي بيقرر يهرب بطريقتو الخاصة… ويكسر الرقم القياسي العالمي بالغوص.

6. قلتلك خلص (2021)

المخرج: إيلي خليفة
الوصف: مخرج غريب الأطوار عم بيدوّر ع شوية هدوء، فبيترك بيروت ليحضر عرض لأفلامه القصيرة، بس بدل ما يرتاح، بيوقع بفوضى أكبر خلال الحرب.

7. صندوق الذاكرة (2021)

المخرج: جوانا حاجي توماس وخليل جريج
الوصف: لما بتلاقي صبية مراهقة عايشة بكندا صندوق صور من الماضي، بتبلش تتخيل حياة أمها الرومانسية والمليانة بالأحداث ببيروت الثمانينات.

8. البحر أمامكم (2021)

المخرج: إيلي داغر
الوصف: هالدراما بترسم صورة حزينة لبيروت من خلال عيون شابة بترجع لمكان ولادتها، بس بعدا مش مستقرة بحياتها.

9. النهر (2021)

المخرج: غسان سلهب
الوصف: بعد “الجبل” و”الوادي”، المخرج اللبناني بيقدّم آخر فيلم من ثلاثية بتستكشف بعمق نفسية بلده.

10. كوستا برافا، لبنان (2021)

المخرجة: مونيا عقل
الوصف: عيلة بتترك تلوث بيروت اللي عم يخنقها وبتروح على مزرعة نائية بالجبال، بس ببلشوا يبنوا مكبّ نفايات جنبن.

11. بيروت هولدم (2022)

المخرج: ميشيل كمّون
الوصف: عيلتو تفككت وخطيبتو تركتو، هيدي قصة رجل طالع من السجن، بحاول يبلّش حياة جديدة بمدينة مكسورة.

12. ورشة (2022)

المخرجة: دانية بدير
الوصف: بعد وفاة زميله، عامل سوري بيقبل شغل تحت ظروف صعبة، لحتى يكتشف معنى جديد لحياته فوق مدينة بيروت.

13. جديد نحاس بطاريات (2022)

المخرج: وسام شرف
الوصف: مهاجرة إثيوبية ولاجئ سوري بيلاقوا بعضن، وهني عم يواجهوا نفس الصعوبات والتمييز كمنبوذين ببيروت..

14. يربوا بعزكن (2022)

المخرج: دافيد أوريان
الوصف: زوجين من طبقات اجتماعية واقتصادية مختلفة، بيتلاقى قدرن بقسم الولادة بمستشفى للحوامل.

15. ع مفرق طريق (2022)

المخرجة: لارا سابا
الوصف: بطريقه لمنتجع ريفي، نجم مشهور عم يتحضر لدور كبير، بيقابل مجموعة راهبات معجبين فيه، واللي مصرّين يستضيفوه بقلب الدير.

16. أصحاب… ولا أعزّ (2022)

المخرج: وسام سميرة

الوصف: عشا حميمي لسبعة أشخاص، الأكل والحديث بيجوا بكل سلاسة، بس الأسرار المفاجئة بتكون صعبة تنبلع.

17. الكترا (2023)

المخرج: هشام بزري
الوصف: بين خراب مسرح البيكاديللي ببيروت بعد الحرب الأهلية، بتتبع القصة حياة خمسة فنانين ومتورطين بشبكة من الكذب والانتقام.

أي فيلم لبناني رح تحضروا ع Netflix؟

شوفوا كمان، سينما جديدة جاية على كاسكادا مول بالبقاع!