ماكدو، KFC، ملك الطاووق…هالمطعم عم يقلد الكل!

إذا كنت من عشاق الأكلات السريعة وما بتقدر تقاوم نكهة  ال Big Mac، لازم تمرّق ع Copycat بالزلقا!  هالمطعم المهضوم عندو كونسبت كتير مميز: بيقلّد أشهر الأصناف من أكبر المطاعم، بس بأسلوب خاص فيه، وبيطلع الطعم أطيب بكتير!

هالمطعم ما بيخترع أكلات جديدة، بس بياخد أشهر الأصناف يلي كلنا منحبها… وبيقدّمن بنسخة ع طريقتو! والمميز بعد، إنو كل شي بيتقدّم بتغليف أو علب بتشبه المطعم الأصلي، بس بستايل Copycat المهضوم! كأنك عم تطلب من البراند الأصلي بس بنسخة أحلى! مثلاً، هيدي العلبة بتذكركن بماكدو: 

Copycat بيقدملك الـ Big Mac تبع ماكدونالدز بطريقة مميزة تحت اسم Big C. نفس الشكل، بس أكبر وأدسم!

كمان أخدوا الـ Chicken Tenders والـ Zinger من KFC، بس عملوهن بطريقتن الخاصة ليطلعوا مقرمشين وjuicy أكتر! التندرز مقرمشين ع الآخر، وبيضلوا طراية من جوا. يلي بيحبوهن من عند KFC، رح يعرفوا الفرق!

وما خلصت هون، المحل كمل ع المطاعم اللبنانية المشهورة. يلي بيحب الطاووق، Copycat جايبلن ساندويش ملك الطاووق، مع صوص ولا أطيب! أما محبّي Roadster، لازم يجربوا Chicken Strips المستوحاة من المطعم الشهير. طرية، متبّلة صح، وبتتقدم مع صوص يلي بتحبوّا.

📍 Copycat بالزلقا
📞 ديليفيري ع الرقم: 127 221 71
🛵 متوفرين ع  Toters (بمنطقة المتن)
📲 تابعوهن على إنستغرام: @wearecopycat

هيدا المطعم عامل ميكس بين كل مطاعمكن المفضّلة! إذا عبالك ساندويش بتحبوا… بس ألذ من الأصلي، Copycat هو المحل! 🍔🍟🥤🍗

شوفوا كمان، انسوا مطعم Five Guys، بلبنان صار عنا Four Guys!