شوفوا مين أغنى ٥ لبنانية لسنة 2025!

قائمة فوربس لسنة 2025 كشفت عن أسامي أغنى ٥ لبنانيين، يلي حطوا إسم لبنان عالخريطة الإقتصادية العالمية! إذا كنتو عم بتتساءلوا مين هني، وكيف جمعوا ثرواتن، هيدا المقال رح ياخدكن بجولة سريعة على عالم المال والمصاري.

١. نجيب ميقاتي وطه ميقاتي – ٣.١ مليار دولار لكل حدا

ما في شك إنو الميقاتي وخيو طه هني أغنى لبنانيين لسنة 2025، بثروة ٣.١ مليار دولار لكل شخص! نجيب ميقاتي، رئيس الحكومة اللبناني السابق، مش بس شخصية سياسية، بل كمان شخصية إقتصادية، خاصة بعالم الاتصالات والاستثمارات. طه، شريكو بالأعمال، كان دايماً جزء من هالنجاح، وسوا رسموا طريقن بالمليارات!

٢. بهاء الحريري – ٢ مليار دولار

بهاء الحريري، إبن رئيس الحكومة السابق رفيق الحريري، حافظ على إسمو بالمجال الاقتصادي والعقاري. بثروة ٢ مليار دولار، استثمر بعالم العقارات.

٣. روبير معوض – ١.٥ مليار دولار

روبير معوض، هيدا الإسم ارتبط بالفخامة والألماس! ويلي بيعرف دار معوض بيعرف إنو هيدا الاسم مش بس ماركة، إمبراطورية بعالم المجوهرات. بثروة ١.٥ مليار دولار، معوض مش بس حاضر بالسوق اللبناني، بل عندو إسم عالمي بقطاع الألماس والتحف الفاخرة يلي بيلبسوها أشهر مشاهير العالم!

٤. أيمن الحريري – ١.٤ مليار دولار

أيمن الحريري ما استثمر مشاريعو بعالم السياسة، بل دخل بعالم التكنولوجيا والعقارات. بثروة ١.٤ مليار دولار، استثمر بمشاريع ضخمة، خاصة بالشرق الأوسط، وصار واحد أهم من رجال الأعمال يلي عندن رؤية حديثة لمستقبل الاستثمار بلبنان والمنطقة.

٥. فهد الحريري – ١.٢ مليار دولار

الواضح إنو العيلة الحريرية من الأغنى بلبنان! فهد الحريري، بثروة ١.٢ مليار دولار، أثبت إنو رجال الأعمال الناجحين بيقدروا يخترقوا مجال العقارات العالمي. استثماراتو بقطاع العقارات عم تكبر، وأعمالو عم تتوسع، ليأكد إنو لبنان عندو وجوه كبيرة ناجحة بالخارج.

عدد المليارديرات بالعالم وصل لـ٣٠٢٨ شخص، رقم قياسي، ولأول مرة بينكسر حاجز الـ٣٠٠٠! المشهد الاقتصادي عم يتغير بشكل سريع، وللأسف الثروات عم تنحصر بعدد أزغر من الأغنيا، خاصة بأميركا.

بس السؤال لي بضل يطرح حاللو: هل رح نشوف وجوه جديدة بالقائمة اللبنانية بالسنين الجاية؟

شوفوا كمان، كل اللبنانية على لائحة فوربس.