هيدا الشيف الزغرتاوي انشهر بوصفاتو بنص الطبيعة!

الشيف سيمون يمّين من شمال لبنان، بيطلّ علينا من زغرتا بوصفات تقليدية بتشهي وبتحمّس كل حدا بيحب الأكل الطيب والأصيل. سيمون، صاحب اللهجة الشمالية الحلوة، عم يسرق قلوب الناس ع السوشيل ميديا، بوصفاتو اللي بيحضّرها وسط الطبيعة وبالهوا الطلق، بين جبال لبنان وتحت الشجر.

بفيديوهاتو، منشوفوا عم يطبخ أكلات تقليدية متل المكمورة وكبة الراهب، وكلّها بنكهات أصيلة وبطريقة بيتوتية، مع لهجتو الشمالية المهضومة يلي الناس انغرموا فيها.

​أكتر شي بيخلي فيديوهاتو تتميّز هو العفوية، إن كان بالحكي، أو شخصيتو، أو حبّو الكبير للأكل والتراث. من مجدّرة العدس للورق عنب، سيمون عم ياخدنا برحلة ع الضيعة، وعم يفرجينا كيف فينا نطبخ أكلات جدودنا من قلب الطبيعة، ودايمًا على طريقة أهل الشمال. شوفوا هون كيف تعملوا قرص الكبة الزغرتاوية ع أصولها: 

وهون بعز التلج وبقلب طبيعة إهدن، عم يلف ورق عنب بلحمة، حضروا هون:

عدا عن حسابو هيدا، سيمون هو صاحب مطعم لقمة زغرتاوية بإهدن، مطرح بيجمع فيه بين النكهة الشمالية والضيافة اللبنانية الأصيلة. 

 إذا بعد ما تابعتوا، لازم تفوتوا ع صفحتو هون وتشوفوا فيديوهاتو الحلوة، ومن هلّق بدكن تحضروا حالكن، لأنّكن أكيد رح تجوّعوا!

شوفوا كمان، هيدا الشيف الجنوبي عم يسرق قلوب الملايين بوصفاتو!