جديد بطرابلس: شاورما، مشاوي، ومنسف بأسعار خفيف على الجيبة!

طرابلس وأهل طرابلس معروفين بضرسن الطيب على الأكل، لهيك رح نعرفكن اليوم على محل شاورما جديد فتح بطرابلس خفيف على الجيبة وعندو شاورما دجاج على أصولو.

رويال سناك عم بحضرلكن شاورما دجاج مع كبيس وبطاطا وأكيد قنطار توم.

َغير هيك السعر، خفيف على الجيبة يعني كل تلات سندويشات بسعر 000 600 ل. ل. أو حتى بيطلعلكن فروج مشوي مع كبيس وتوم بنفس هيدا السعر.

السندويش محشية لآخر كدشة بقطع الشاورما والمنظر بشهي. قطع الدجاج طرية ومتبلة عأصولو، ملفوفة بخبز طازة ومحمصة وملتوتة بتتبيلة المحل مع فرمات كبيس. والتوم يلي بيعملوا لحالو قصة، بتكمل كل كدشة!

مش بس عندو شاورما، رويال سناك بحضر بيتزا ومشاوي على الفحم ومن المحلات القلال بلبنان يلي بيعملوا منسف غير شكل لكل حدا مشتهي أكلات مليئة على الغدا أو حتى على العشا.

فيكن كمان تاكلوا ترويقة عندن، مع لحم بعجين بحجم كبير أو زغير مع دبس الرمان.

وكمان عندن قعدة مهضومة زغيرة برا، إذا بدكن تاكلوا بالهوا الطلق، تتسلوا، أو تقضوا وقت حلو مع أصحابكن.

إذا كنتو بطرابلس أو قاطعين فيها بطريقكن على الضيعة، جربوا هالمحل وعزموا أصحابكن.

العنوان: طرابلس حد الريجي
الرقم: 612 587 81

عجبكن هيدا المقال عن محل الشاورما الجديد بطرابلس لي خفيف على الجيبة؟ شوفوا كمان، محل جديد عم بيعمل قهوة تركية على الرمل بلبنان.