الحساب الرسمي لـ Alo انضم لجنون ترند “آلو، بيلاتس، ماتشا”

ترند “Alo, Pilates, Matcha” من تيكتوكر @kinda_b_canada ضرب التيكتوك وصار ترند عالمي! بالأول، غزا الـ For You Page عنا بالمنطقة، وبعدين انتشر بكل العالم. وآخر شي؟ حساب Alo الرسمي على تيكتوك استخدم الصوت اللبناني الترندي بواحد من فيديوهاتو!

فيكن تشوفوا هون:

الفيديو بيبيّن كأنو Alo Wellness Club بلوس أنجلوس وعم يتحضّر لحصة يوغا. الكابشن كان: “POV: اندعيت ع أحلى نادي بالمدينة”، وكل هيدا ع ريمكس للصوت اللبناني الأيقوني!

بعد ما الترند ضرب بلبنان، الكل صار يعمل نسختو الخاصة—لابسين تياب Alo، عم يشربوا ماتشا، ورايحين على صفوف البيلاتس! وحتى في ناس عملوا ريمكسات خاصة فيهن، وانتشرت بسرعة. وحتى براند لبناني للمجوهرات فات بالترند، وطلّع سنسال بإسم “Alo, Pilates, Matcha”! فيك تقرأ أكتر عن الموضوع من هون.

نحنا مبسوطين نشوف اللبنانيين عم بيصيروا المصدر الأساسي للترندات حول العالم. شو رأيكن بالخبرية؟

شوفوا كمان، مطعم جديد عم يقدّم نفس ستايل Swiss Butter – بتجربوا؟

إذا كنتوا عم تفتشوا عن تي شيرتات بيروت المهضومة يلي بتلبق فوق تياب البيلاتس، ليه ما بتشوفوا تشكيلتنا؟ زوروا المتجر للمزيد!