هيدي أحلى أسواق الربيع بقلب بيروت!

بيروت مزهّرة هالربيع، ومعها 4 أسواق الربيع مميّزة عم يزينوا المدينة بألوان وإبداعات محلّية! من التحف للأشغال اليدوية، ومن الكتب للورود، كل سوق إلو طابعو وروحو الخاصة. جهّزوا حالكن تتمشّوا، تكتشفوا، وتلاقوا كنوز ما بتتكرر ب 4 أسواق الربيع بقلب بيروت ما فيكن تفوّتوها! 

1. Vintage Collective Market

لكل عشّاق الفينتاج ومحبي التحف القديمة، هيدا السوق ناطركن! The Vintage Collective Market رح يصير بـ Collège Saint Sauveur ببدارو، وجايب معو عالم مليان كنوز. سواءً كنت خبير بالتحف القديمة، عم تفتّش ع أول قطعة فريدة تشتريها، أو محبّ للفن، أكيد رح تلاقي شي مميز بهيدا السوق.

📅 التاريخ: 19-21 نيسان، 2025

⏰ الساعة: 11 الصبح – 10 المسا

📍 العنوان: Collège Saint Sauveur، بدارو

🎟️ الدخول مجاني

2. سوق الربيع Spring Market مع Jarak

لكل محبّي الربيع، الورود، والأشغال اليدوية، هيدا السوق ما بيتفوّت! سوق الربيع رح يصير بـ Salon Beyrouth، وبيجمع 29  فنان وصاحب مشروع محلّي، مع أجمل التصاميم والقطع المميّزة. من أقمشة المصبوغة طبيعيًا، لقصص معاد تدويرها، لقطع فنية شغل إيد!

📅 التاريخ: 19، 20، و21 نيسان 2025
⏰ الساعة: 12 الضهر – 8 المسا
📍 العنوان: Salon Beyrouth، الحمرا

3. سوق الكتب والصور 2025 مع سوق الطيب

عشّاق الكتب والصور، جهّزوا حالكن لهيدا الحدث الثقافي المميز! Souk el Kotob wel Soowar راجع بنسختو الـ11 بسوق الطيب، وبيجمع كتّاب، دور نشر، ومصوّرين محلّيين تحت سقف واحد ليحتفلوا سوا بالكلمة والصورة. كتب، صور، مطبوعات، ورشات عمل، قراءة قصص، مع موسيقى وأكل طيّب ليكتمل الجوّ!

📅 التاريخ مع ⏰ الساعة:
السبت 26 نيسان – من 5 بعد الضهر لـ 10 المسا
الأحد 27 نيسان – من 12 الضهر لـ 8 المسا
📍 العنوان: سوق الطيب، مار مخايل

4. Vintage Market مع Le Marché Aux Puces 

خبّروا رفقاتكن! أحلى تجمع لعشّاق التحف والأنتيكا راجع من جديد! سوق الأنتيكا رح يضم أربع غرف استثنائية، كل وحدة إلها طابعها الخاص لتضيعوا فيها وتلاقوا سحركن الخاص. كل غرفة مليانة بقطع مختارة لمحبي الأنتيكا والقطع القديمة، مع زاوية الفنانين الشهيرة عندن!

📅 التاريخ: 1، 2، 3، و4 أيار 2025
⏰ الساعة: 12 الضهر – 10 المسا
📍 العنوان: Union Marks، برج حمود

فإذا كنتوا ناطرين فرصة تعيشوا أجواء الربيع، هالأسواق هي وجهتكن! دعم محلي، أجواء حلوة، وفرح بقلب بيروت. ما تنسوا تمرقوا وتاخدوا حصتكن من هيدي الطاقة الحلوة!🌼🛍️🌸🦋🌷🌿

Main Image: Right by @Samer Ghanem & Left by @karimsakrphoto @beirut_streets

شوفوا كمان، أكبر مهرجانات الربيع لسنة 2025 بلبنان!