من بعد العبدالله، إجا الحيالا: هالمحل عامل ضجة واسعة!

من فترة مش طويلة، فروج العبدالله عمل حملة كبيرة وشعارها كان: “في العبدالله وفي الحيالا“. وبعدها بشهر، فتح محل دجاج جديد تحت إسم “Al 7ayalla“، وعامل ضجة كبيرة على السوشال ميديا!

هالمحل عم يحضر أطيب وأفخم دجاج مشوي عالفحم، وصار السؤال على كل لسان: هل “الحيالا” تابع لفروج العبدالله؟ ولا مجرد شخص ذكي حب يستغل حملة العبدالله ليعمل فكرة جديدة ومبتكرة؟ لحد هلق ما في شي أكيد. وحتى قصة “العبدالله 1999 والحيالا 1888″، واضحة إنها نكتة! يعني المحل أكيد ما صرلو من 1888 بيعمل دجاج مشوي! ومش بس هيك، حتى عندو برقم التلفون الأرقام 1294 يلي هني رقم العبدالله.

ويمكن اكتر شي ملفت بهالمحل إنو عم يقدم الساندويش ب $2.5، كتير أوفر من سندويشة العبدالله ب-$4.5!

دعايات وترندات وفروج مشوي عند الحيالا!

الحيالا كمان عمل دعاية مهضومة للمحل على نسق “ترند الزرافة” الشهير قال فيها: عملوا حرب زغيرة قالو الحيالا، إي شو إشبو الحيالا؟”. والأكيد إنو اللبناني عطول مبدع، حتى إذا القصة فيها شوي نكاية، دايماً بيعرف كيف يخطف الأنظار بأسلوبو الخاص. سندويشات الدجاج المشوي عندن مبينة غير شكل، والكل عم يحكي عن طعمتها يلي ما بتنتسى.

هيدا الشي بيذكرنا بحرب الدعايات يلي صارت من كم سنة لورا بين حلويات الدويهي والحلاب. بتتذكروا؟ لما الحلاب قال: “صار بجونية؟ حلو…” والدويهي رد علي: “وصلت مأخر ع جونية، يا حلو…” ورجع رد بوقتها الحلاب: “الحلو لو تأخر بوجودو الكل بيتبخر“. قام فات السي سويت على الخط كمان وقال: “حلو عنا طوشطونا“. اللبناني بيعرف كيف يحوّل الإعلانات لشي ممتع وظريف.

إذا بعد ما جربتوا الحيالا، جربوا وخبرونا رأيكن!

العنوان: خلدة
الرقم: 1294 75 76

شوفوا كمان، دعاية مهضومة لفروج العبدالله عم تسبب بلبلة على الفاضي.