هيدا المحل المهضوم بيعمل برويش ع الإيد وبوصل لكل لبنان

شو في أطيب من ريحة الخبز الطازة تطلع من الفرن؟ هيدا المحل مش بس مهضوم، بيعمل بريوش عالإيد بكل حب وشغف، وبيوصل لكل لبنان. البريوش خبز فرنسي فاخر، فيكن تاكلوه مع مربى، شوكولا، جبنة، أو حتى جامبون، وعلى الترويقة أو العصرونية. وطبعاً نحنا بلبنان معودين نضيف لمستنا عكل شي، والبريوش صار لبناني بامتياز هون.

هالمحل إسمو Brioche and More، فكرة ماما لبنانية بتحب الأكل الطيب وبتحب تتفنّن بشغلها. عندها بريوش سادة وعلى عدة طعمات ولا أطيب، متل الزعتر، الفستق، والتفاح بالكاراميل. كل بريوش فيها نكهتها الخاصة بتخليك تعيش تجربة جديدة، غير عن الإشيا المعتادة، ومثالي لكل مناسباتكن إذا كنتوا بالبيت أو للعزايم وحتى للشغل!

المحل بيقدم بريوش طازة وسخنة، ريحتها لحالها بتفتح النفس. مش بس خبز، بيعملوا كيك بريوش بأشكال وطعمات متنوعة مع زينة وصوص بتشهي. إذا عندكن فكرة جديدة لعيد ميلاد أو مناسبة، هني بيحولوها لشي مهضوم ولذيذ بلمسات خاصة فيكن.

ولكل يلي بموت بالعجين، محل Brioche and More رح يكون محلكن المفضل. خلطة الطعمات هون رح تحسسكن كأنّكن بحلم. دوقوا الطعمات الروعة يلي مخترعينا متل: اللوز والشوكولا واللوتس، البريوش المحشية كرز، والمحشية مشمش، شوكولا، جبنة وحتى طعمة الزيتون. من إختصاصن كيك البريوش كمان وبيحشوها بالطعمة يلي عبالكن وبزينوها بالطريقة يلي بتحبوها كمان.

الحلو بهالمحل إنو مش بس بيعمل بريوش، بيهتم إنو يوصل لكل لبنان بسهولة وسرعة. الكيكات المحشية والطعمات يلي بتختاروها عليها رح تكون مفاجأة ولا أروع لأي شخص بتحبو.

تواصلوا مع Brioche and More عالرقم 956 882 71 ونقوا طلبيتكن.

شوفوا كمان، ١٣ محل طاووق لازم تجربوهن بلبنان!