شفتوا هيدا السر المخبّى بين جبال ميروبا؟ بيت ضيافة جديد!

بعيد عن العالم، بين صخور جبال ميروبا، في نقطة مخباية كأنها سر من أسرار الطبيعة. Arlo، بيت ضيافة معلق بين الأرض والسما وبيشبه الحلم. مطرح فيك تهرب فيه من كل شي، محاوط بشجر السنديان العالي، وريحة الطبيعة يلي بتدخل ع الروح قبل الأنفاس.

Arlo هو بيت ضيافة بالجبل، بس مش متل باقي البيوت. هو ملاذ بينسيك هموم الدني. بمجرد ما توصل، بتحس حالك انتقلت ع عالم تاني. عندو غرف بإطلالات مفتوحة ع الغابة والجبال، تصميم عصري ورايق، ألوان ترابية بتشبه الطبيعة الجبلية حولكن، وبتعطيكن إحساس إنكن منّا وفيها. كل تفصيل فيه معمول لراحتك، وزوايا بتدعيك لتقعد وتسترخي لساعات. 

النهار فيه بيبلّش بكباية قهوة ع التراس، قدام منظر بيشرح القلب. بعدا، بتبلّش المغامرة. فيك تتمشى بين دروب المشي بالغابة، تستكشف الطبيعة حواليك، تقعد تقرا كتاب تحت شجرة، أو تعمل يوغا بين الأصوات الجبل. أو بكل بساطة، فيك ما تعمل شي… وتسترخي برا وتغرق بسكوت الطبيعة.

بس لما تغيب الشمس، هون السحر الحقيقي. الجو بيبرد شوي، والضو بيخف، وبتبدا سهرة نار ع التراس. بتقعد حدها، بتنغمر بالدفا مع طقطقة الخشب، بتحط موسيقى خفيفة، وفنجان شاي أو كاس نبيذ بإيدك. ما في أحلى من سهرة حوالين النار، مع ناس بتحبّن أو حتى لحالك… بس أنت والطبيعة!

 وإذا بدك تشوف سحر هالمكان أكتر، شوف صفحتن ع إنستغرام @arlo.retreat. الصور لحالن بيخدوك لعالم تاني، بس ولا صورة رح تعبر عن الإحساس الحقيقي بس توصل هونيك! ⛰️🌳🌿🌞

العنوان: ميروبا، كسروان

الرقم للحجز: 541 445 70

شوفوا كمان، 21 محل جديد فتح بقلب بيروت ب 2025 (لهلّق)