مهرجانات بعلبك الدولية رجعت! هيك برنامج 2025

صورة الغلاف: عصام عبدالله ل رويترز – الله يرحمه.

مهرجان بعلبك الدولي راجع بقوّة، وبرنامج سنة 2025 بيعد بعروض ما بتتفوّت! وقبل ما نبلّش بالجدول، لازم نذكر إنو بعلبك كانت من أكتر المناطق يلي تأذّت بالحرب على لبنان! والمنطقة المحرومة تكبّدت أضرار كبيرة.

هالسنة، عنوان المهرجان هو “أعمدة الأبدية” – تحيّة للتراث اللبناني والصمود، من خلال الموسيقى والعروض الفنية، مع حدثين أساسيين:

٢٥ تموز ٢٠٢٥

أوبرا كارمن لجورج بيزيه، بإخراج جورج تقلا وبقيادة توفيق معتوق.

٨ آب ٢٠٢٥

هبة طوجي وأسامة الرحباني بحفل مباشر بيجمع الصوت، الفن، والإبهار بعرض ساحر.

التذاكر رح تتوفر ابتداءً من الخميس 10 نيسان 2025 الساعة 10 الصبح عبر Virgin Ticketing Box Office. وإذا اشتريتوا التذاكر قبل أيّار، فيكن تستفيدوا من نقل مجاني على المهرجان!

عن مهرجان بعلبك الدولي

مهرجانات بعلبك، اللي تأسست سنة 1956، هي أقدم وأهم حدث ثقافي بالشرق الأوسط. بتصير بين أعمدة المعابد الرومانية الأيقونية ببعلبك، وبتشكّل منبر للموسيقى، التراث، والسياحة الثقافية بلبنان. كتير من النجوم اللبنانيين طلوا منها، متل فيروز والأخوين رحباني.

بعد انقطاع لـ22 سنة بسبب الحرب الأهلية، رجع المهرجان سنة 1997، ومن وقتها استضاف أسامي عالمية متل Sting، شارل أزنافور، وJean Michel Jarre.

اليوم، مهرجان بعلبك هو رمز لصمود لبنان، بيحتفل بالإبداع، التنوّع، والسلام.

متشوقين لمهرجان بعلبك الدولي هالصيف؟ تأكدوا تزوروا قسم #الفن والثقافة للمزيد من التفاصيل.