١٣ محل طاووق لازم تجربوهن بلبنان!

ما في لبناني ما بحب سندويشة الطاووق وبيعتبرها بتفش الخلق. خصوصي لما تكون الخبزة محمصة على الخفيف، الطاووق طري ومتبل صح، والتوم إكسترا. في محلات بتعرف تعمل الطاووق على المزبوط… وبهالمقال، جمعنالكن ١٠ محلات لازم تجربوها بلبنان.

خلونا نبلش، لأن الجوع ضرب!

١. فروج الأشقر، برمانا

عندن كل أنواع المشاوي عالفحم، بتتبيلات خرافية، لكل اللي بيحبوا المشاوي. الطاووق عندو مميزة ومعمولة بطريقة بيتوتية.

الرقم: 443 862 24

٢. شي نصار، الدكوانة

إذا بتسألو حدا من المنطقة وين في طاووق طيب؟ بيقلكن دغري شي نصار. خبز محمصة، لحمة طرية، وتوم معمول على الإيد.

الرقم: 283 684 01

٣. المسعود، الفنار والزوق

الطاووق يلي غندن فيها نكهة بتشدكن من أول كدشة. الطاووق متبل مزبوط، وبيقدمو بخبز سخن مع بطاطا مقلية عالطريقة اللبنانية مع توم وكبيس وسلطة. بتخلص السندويشة وبتحسو بدكن بعد وحدة.

الرقم: 556 890 01

٤. تيكو تيكو، الدكوانة

بيعملوا سندويش طاووق كتير طيبة وكريمة وأكيد مليانة توم والخبزة محمصة شوي.

الرقم: 086 461 81

٥. سناك غلاييني، الحمرا

محل قديم، وصار من تراث بيروت. الطاووق عندو فيها نكهة “بيتوتية”، معمولة من الخبز اللبناني المحمص مع قطع الطاووق اللذيذة والتوم.

الرقم: 850 350 01

٦. مشاوي الكرم King Fadi

موجود بعدة مناطق، وكل فرع عندو نفس الطعمة. الطاووق عالفحم، وبيجي متبل بطريقة بتشهي، توم وبطاطا وسلطة وحبات كبيس. وجبة لا يعلى عليها!

العنوان: كفرشيما، الزلقا، الحازمية، كورنيش المزرعة، زوق مصبح
الرقم: 191 471 71

٧. الشرقي، البترون وزغرتا

الطاووق عندن على الفحم، والريحة لحالها بتاخدكن لعالم تاني. السندويش بتجي معمولة بحب على المنقل مع توم بيعصر عصر وكبيس وخبز محمص، وكأنو معمولة البيت.

الرقم: 655 440 76

٨. مطعم أبو ديب، صور

الناس بتقصدوا من مناطق بعيدة. الطاووق هون فيها هيك نكهة مميزة، والتتبيلة بتفوت عالقلب. الكبيس، الخبز المحمص، والتوم ولا أطيب!

الرقم: 808 349 07

٩. سناك عاللبناني، الحمرا

متل إسمو… طاووق عاللبناني مع بطاطا، سلطة، توم، وكبيس. خفيفة عالجيبة، وبتشبع عالآخر!

الرقم: 869 699 81

١٠. جوزيف، سن الفيل

يمكن الناس بتعرفو من الشاورما، بس الطاووق عندو بشهي كمان. الطاووق بتجي أكيد مدعومة بالتوم منيح مع كبيس، بيعملها المعلم على أصولها وعلى ذوقكن!

الرقم: 040 374 70

١١. أبو جهاد، جل الديب والكسليك

من أقدم وأشهر المحلات، والطاووق عندن عن جد ما بيعلى عليها. التتبيلة بتجنن والخبزة محمصة!

الرقم: 04 711 861

١٢. Green Corner، عاليه وشملان

اللي بيعرف هيدا المحل بيعرف إنو الطاووق عندن كبيرة وبتشبع. بيهتموا بالتفاصيل، والسندويشة بتجي على أصولها ومشوية على الفحم كمان!

الرقم: 25 552 584

١٣. The Rock، جبيل

من المحلات يلي تعتبر جزء من تراث جبيل. هيدا المحل بيعمل أطيب سندويشات مشاوي بالمنطقة، معروف كتير بالطاووق يلي بيعملوا وعندو شاورما لحمة ودجاج وسندويشات ولا أطيب من هيك.

الرقم: 09 944 314

شوفوا كمان، سكتو جوعكن بأطول سندويش بلبنان.