ترند “Alo، بيلاتس، ماتشا” وصلت ع عالم المجوهرات، شو القصة؟

أوف، سمعتوا بترند “Alo، بيلاتس، ماتشا”؟ هيدي الترند صارت تعبر عن أسلوب حياة أو روتين بيعتمدوا كتار من اللبنانية. وصدقوا إنو هالماركة للمجوهرات نزلت سنسال مستوحى من هيدا الترند.

Garo Boyadjian هي ماركة مشهورة بالمجوهرات يلي بتعمل تصاميم راقية من سنة 1975. مجموعاتن مزيج من تصاميم كلاسيكية وقطع عصرية. بس هيدي ممكن تكون القطعة الأكتر ترندي من البقية.

السنسال الأنيق بيتضمن هيدي القطع: فنجان من الماتشا، إمرأة عم تعمل رياضة بيلاتيس، وشي بيشبه تنورة التنس من Alo.

للناس اللي ما بيعرفوا، هالترند بلش وقت افتتح Alo فرعه الجديد بالأسواق بيروت. بوقتها، فيديوهات الناس اللي واقفة بالصف لتزور المحل صارت ترند على تيك توك.

الصوت درج بشكل كبير بعد ما تيك توكر @kinda_b_canada نزلت فيديو عم بتردد عبارة Alo، بيلاتس، ماتشا يلي صارت تعبر عن روتين شريحة معينة من الشعب اللبناني.

الناس بلّشوا ينشروا فيديوهات إلن بتياب Alo، وهنّي بعم يشربوا ماتشا ورايحين على صف البيلاتس – وحتّى في ناس عملوا ريمكس!

فيكن تسمعوها هون:

مؤخراً كان في ترند هش هش يلي انعمل منها تيشيرت… شو أولكن، اللبنانيين زادوها بالترندات؟ خبرونا رأيكن. يلي ما جربوا الماتشا وبدن يعرفوا إذا طيبة ولا لا، جمعنالكن محلات لتجربوا الماتشا ببيروت!

بدكن تتسوقوا من Garo Boyadjian؟ كبّسوا هون لشتوفوا الموقع الإلكتروني وتتعرّفوا على كل التصاميم يلي بيقدموها.

شوفوا كمان، صار في محل هوت دوغ كوري بقلب بيروت!