صار في محل هوت دوغ كوري بقلب بيروت!

إذا كنتوا عم تفتّشوا عن أطيب هوت دوغ كوري ببيروت، خلينا نحكيلكن عن مكان جديد رح يعجبكن كتير! Kogowa فتح مؤخراً وصار بسرعة الوجهة المفضّلة لعشّاق الهوت دوغ والأكل الكوري ببيروت.

 بتلاقوا حد Ciaowarma بين الجميزة ومار مخايل. أول ما توصلوا، رح يلفتكن الديكور الملوّن والشخصية المهضومة “أليكس” المرسومة ع الباب.

إذا كنتوا سامعين بـOh! K-Dog بنيويورك، أشهر محل بيقدّم الهوت دوغ الكوري بالعالم، فأكيد لازم تجربوا هالطعم المقرمش واللذيذ هون ببيروت!

Kogowa جاب تجربة الهوت دوغ الكوري عالطريقة الأصلية، مع خيارات بتشهّي بتقدروا تستمتعوا فيها بعد سهرة أو كوجبة سريعة بتعطيكن طاقة تكملوا نهاركن مع أصحابكن بجوّ بيروت الحيوي!

شو طلبنا

ما تستحوا تخبروا الموظفين شو بتحبوا – هني مبسوطين كتير يساعدوكن ويعطوكن شي يعجبكن، وهيدا بالزبط يلي عملناه.

قريدس تيمبورا ديناميت ($8.5) – القريدس حجمو كبير والصوص بيعقّد، بس كنا متوقّعينو يكون مقرمش أكتر.

هوت دوغ كلاسيك مع البطاطا وصوص Yum Yum ($6.5) – الطعم البسيط الكلاسيكي يلي بيعطيكن كل شي بتحبو بالهوت دوغ الكوري!

هوت دوغ جبنة مع بطاطا مقرمشة وصوص يام يام ($7.5): لعشّاق الجبنة الدايبة، هيدا خيار ما بيتفوّت!

 ما خلّونا نفل قبل ما يقدّمولنا ChoKoWa – حلو بالشوكولا والكراميل بيحلي مزاجكن!

هل بيستاهل تجربوا؟

Kogowa هو الخيار المثالي إذا عبالكن وجبة سريعة وخفيفة، أو إذا كنتوا مستعجلين وبدكن شي تاخدو معكن. والأحلى؟ التجربة بتصير أطيب لما تشاركوها مع أصحابكن، خصوصًا إذا قررتوا توقفوا ع الرصيف وتستمتعوا بالهوت دوغ المقرمش قبل ما تكملوا مشواركن!

أكيد رح نرجع نزور Kogowa لنجرّب باقي الخيارات من المنيو! وأحلى شي بهالمحل إنكن فيكن تختاروا نوع الهوت دوغ، الطبقة، والصوص يلي بتحبّو، يعني كل زيارة تجربة جديدة ومميزة.

إذا حبّيتوا تشوفوا المنيو قبل ما تروحوا، شوفوا هون:

أوقات العمل

 كل يوم من 12 الضهر لـ1:30 بعد نص الليل.

للطلب أو الاستفسار:

011 444 01

789 907 78

تابعوهن ع إنستغرام @kogowa.lb لأطيب هوت دوغ كوري ببيروت! 🌭🔥

شوفوا كمان، 21 محل جديد فتح بقلب بيروت ب 2025 (لهلّق)