هيدا الشيف الجنوبي عم يسرق قلوب الملايين بوصفاتو! 

إذا كنتوا من عشّاق الأكل اللبناني الأصيل، فلازم تكونوا متابعين الشيف حسين فياض على إنستغرام! هيدا الشيف الجنوبي اللبناني مش بس عندو موهبة بالطبخ، عندو حس إبداعي بيخلّي كل أكلة تتحوّل لتحفة فنية بحد ذاتها! وهيدا الشي يلي خلاه يجذب ملايين المشاهدات على فيديوهاتو!

هالشب المبدع قدر ياخد الأكلات اللبنانية التقليدية لمستوى عالي بالتقديم. من قلب الجنوب اللبناني، حسين انطلق برحلة شغف أخدتو ع فرنسا، وهونيك درس فن الطبخ بـ Le Cordon Bleu Paris، تعلّم أسرار المطبخ الراقي ورجع ليحط لمساتو الخاصة على الأطباق اللي منحبها. قرر يكون قريب من جذورو ويرجع يبتكر الأطباق اللبنانية التقليدية بطريقة بتجمع بين الطعم الأصيل والتقديم الفخم!

حسين بيبلش الفيديو بحضور حلو، بسمة حلوة، والطبق بين إيداه، شوفوا هون:

الفيديوهات يلي بيعملها هادية، ممتعة، جذابة وبتخليكن تتحمسوا تجرّبوا الأكلة ع طريقتو الراقية. وما في أحلى من إنكن تحسوا بحبّكن لوصفات جدودنا، بس بطريقة جديدة بتخلي المطبخ اللبناني يوصل للعالم بأجمل وأرقى صورة.

حسين وعيلتو عندن مشروع خاص بالجنوب اسمو منتجع عرش الملوك، وهو كتير محبوب بالمنطقة ومعروف بالأكلات الشهية. وصفاتو مش بس بتشدّ اللبنانيين، بس صارت توصل للعالم، وكتير أجانب صاروا يتابعوا ليشوفوا كيف ممكن أكلة لبنانية بسيطة تتحوّل لعمل فني.

عبر السوشيال ميديا، حسين مش بس عم يطبخ، عم يروي قصة كل أكلة للعالم، هيدا الشي خلاه مش بس شيف، بس كمان سفير للمطبخ اللبناني بكل معنى الكلمة. إذا بعد ما تابعتوا، روحوا هلّق شوفوا إبداعه على @husenfayad، واستعدّوا تنغرموا بكل طبق بيحضّرو!

شوفوا كمان، أهضم ديو: شيف لبناني يحضر الأكل مع الكلب تبعو!