للي بحب الأكل الطيب: بوكس ورق عنب بدبس الرمان غير شكل!

مين فينا ما بيعشق الورق العنب؟ هالصحن اللي مغطس بالحامض، مرشوش بدبس الرمان، ومرصع بحبات الرمان… حلم كل عاشق للأكل الطيب! وإذا بعدكن ما جربتوا “ورق حامض” بصيدا، خلونا نخبركن عنو، لأنو عنجد ولا أطيب من هيك مطعم!

هالمحل قرر يعمل شي كتير مميز، وقدم أكبر بوكس ورق عنب بالبلد! مش متل المطاعم اللي بيعطوكن 4 حبات وبيخلصوا معكن بدقيقة! هون عم نحكي عن علبة كبيرة مليانة قطع ورق عنب طازة، مغرقة بالصوصات الحامضة يلي بتدوب بالتم! وبيجي بقلبها علبة صوص حامض، وعلبة دبس رمان، لتحسوا بالطعمة على أصولها!

وإذا كنتوا من محبي المحاشي، عندن بوكس محاشي مشكلة، ورق عنب باللحمة، كوسا، ملفوف وحتى حبات بطاطا، شي بيشهي! يعني، وجبة كاملة جاهزة للعزايم! وكل شي معمول بمهارة استثنائية، كأنو عم تاكلوا من إيدين ست البيت! وزيادة على هيدا كلو، عندن كمان فتة ورق عنب، طبق جديد ومميز!

بوكس الورق عنب كلو تفاصيل بتاخد العقل! حبات الرمان، شرحات الحامض، زهور الفليلفة، ورشة رب الرمان يلي بتخلي الطعمة غير شكل.

إذا عندكن صاحب بيعشق الورق عنب، خلص بطلتوا تحتاجوا تفكروا بهدية. بوكس من “ورق حامض” وبتكونوا عملتوا أحلى مفاجأة. وما تخافوا من المشوار، لأنو الدليفيري واصل لعندكن بكل صيدا، أو فيكن تلاقوا ب Urban Market ببيروت.

غير هيك، عندن مونة بيتية بتشبه أكل إماتنا. متل يلي عم تاكلوها بالبيت، بس مع لمسة إضافية بتخلي الطعمة ساحرة.

العنوان: صيدا
الرقم: 821 034 81

عجبكن هيدا المقال عن بوكس ورق عنب؟ شوفوا كمان، عبالكن حلو وعاملين رجيم؟ هالمطعم إلكن.