من جديد، زيت الزيتون “سولار” يفوز بالميدالية الذهبية: شهادة ع الإرث والأرض

بوقت عانى فيه بلدنا كتير، يفتخر زيت الزيتون “سولار” بفوزه بالجائزة الذهبية بمسابقة زيت الزيتون العالمية NYIOOC وهي وحدة من أعرق الجوائز بهيدا المجال. هيدا هو التكريم التالت، بعد الميدالية الذهبية سنة 2022 والفضية سنة 2023. لكن هيدي السنة، بيحمل معنىً أعمق.

بالنسبة للمؤسس كريم ارسانيوس، ما بيقتصر هيدا الفوز على زيت الزيتون بس، بس بيتعلق كمان بالحفاظ عليه. “كل جائزة حصلنا عليها كانت شخصية للغاية. على مدى السنوات الخمس الماضية، واجهنا إنهيار إقتصادي وإضطرابات سياسية وصعوبات بكل منعطف. لكن جائزة هيدي السنة بتحمل معنىً أعمق. بأعقاب الحرب، هيدا دليل على إنو أرضنا بعدها بتحكي، وإنو أشجارنا بعدها بتعطي ثمارها، وإنو التميّز قادر على الصمود – حتى بظل المشقة.”

وصفت لجنة تحكيم NYIOOC زيت زيتون “سولار” الحائز على جائزة بإنو: “ناعم ولكن غني بالنكهة، مع لمحات من التفاح الأخضر والفواكه الحمرا”.

 حول زيت الزيتون “سولار”

على مدى أكتر من 150 سنة، تجذرت أشجار زيتون “سولار” بتراب قرية كور القلوية، شمال لبنان. وتوارثت هيدي الأراضي جيل بعد جيل! ورُعيت بممارسات عريقة، متل زراعة المدرجات، والزراعة المصاحبة، والزراعة التجديدية – من دون اللجوء للمواد الكيميائية، أو اختصارات.

على ارتفاع 450 مترا فوق مستوى سطح البحر، بترطبها رياح البحر بالصف، وبتلينها برودة الشتا، بتنمو شجر سولار بعمق بتربة كور الباردة، منتجة زيتون ميّز هيدي الارض لألاف السنين. وبعدو الزيتون “الصوري”، يلي كان يصدر من لبنان لشواطئ البحر المتوسط، بيروي قصة سولار – قصة صمود، تميّز، وإنتماء.

تأسست “سولار” على إرث عريق، لكنها بتتطلع إلى المستقبل. مستقبل تكون فيه الزراعة مستدامة، وتزدهر فيه الأرض، حيث ما بتكون الزراعة إستخراج، بل تجديد.

مبروك لـ Solar على هالفوز، وإن شاء الله يكون منارة لكل المزارعين اللبنانيين! دليل إنو الإلتزام، التراث، والاستدامة بيقدروا يعطوا مش بس زيت زيتون مميز، بس كمان مستقبل أحلى لأرضنا.

شوفوا كمان، هالبنت اللبنانية بلشت مشروع جديد كرمال ترجع تعيش بلبنان!