ترند كيك أحمد الزامل صار بلبنان، جربوا هون!

كرنشوكو أو ترند كيك أحمد الزامل هو حلو جديد مكون من عدة طبقات لذيذة انتشر بسرعة وبشكل واسع عالسوشيال ميديا واليوم رح نخبركن وين فيكن تلاقوها بقلب لبنان! 

هالكيك ابتكرها الشيف أحمد الزامل كرمال هيك طلعت الترند ع اسمو، وبتتميز بقوامها الطري والهش مع إضافات مقرمشة بتعطيها طعم غير شكل. الكيك بتتكون من أربع طبقات: الأولى كيك كاكاو اسفنجية مشرّبة بالكاكاو، التانية طبقة بيضا كريمي حلوة، التالتة كاكاو لذيذ وكريمي، والرابعة شي مقرمش بالشوكولا! 

فيكن تحضّروها بالبيت بسهولة لأن مكوناتها بسيطة ومتوفرة. بس إذا عبالكن تطلبوها جاهزة، خلونا نخبركن إنو محل Bakerloo المحبوب عم يعمل كيك أحمد الزامل بلبنان!

كيكة “كرنشوكو” عند Bakerloo هي تجربة ولا أطيب لعشاق الشوكولا! بتتكون من كيك شوكولا طري ومغرّق بالصوص، فوقها طبقة كريمية غنية من الماسكربون وكريمة الجبنة، بعدها غاناش الشوكولا الطري واللذيذ. وللإضافات، فيها طبقة مقرمشة بالشوكولا. والمميز عندن إنو بيضيفوا صوص الشوكولا بالحليب بالعلبة ع طلبكن، لجرعة إضافية من اللذة!

Bakerloo مشهورين بالدوناتس المميزين و كمان بالكيك يلي بتختاروا ع ذوقكن وكتير بيعملوا تصاميم حلوة. ومش بس هيك، عطول بكل ترند سابقين الكل بلبنان وبكونوا من الأوائل يلي بيعملوهن. فيكن تابعوا حسابن ع انستغرام هون. عندن فروع بضبية، بلس، وفرن الشباك وبيفتحوا من 8 الصبح لل 11 المسا. للتواصل أو للطلب، فيكن تتصلوا على الرقم: 643 180 70. 

شوفوا كمان، انسوا شوكولا دبي! صار في شوكولا بيروت، جبيل، جنوب وكل لبنان!