بس بالبترون: بجعة وبحار لبناني صارو أعز أصحاب!

إذا زرتوا البترون شي مرة ممكن تشوفوا بجعة مش عادية. بجوعة البترون متل ما الكل بيحب يقلها، صارت نجمة المينا ورفيقة الكل!

قصتها بلّشت يوم اللي انصابت وما عادت قادرة تطير، فلجأت ع مينا الصيادين تدور ع ملجأ يحميها. وهونيك، التقت ببحار لبناني اسمو عسّال من البترون، صار يهتمّ فيها بحبّ وكأنها فرد من عيلتو! شوفوا صداقتن الحلوة بالفيديو هون:

من وقتها، بجوعة صارت جزء من يوميّات المينا. بتتمشّى بين الصيادين، بتسبح مع كل الناس، وبتحب تقرّب من الكل وحتى تعبطن! بتلاقوها عطول حدّ مطعم Oyster المشهور لعيلة عسّال، يا إما عم تتمشّى هونيك، يا إما عم تاكل سمك طازة بكل سعادة، لأنو ببساطة يلي أنقذها هو نفسو صاحب المطعم، وصارت الزائر الأول عندو!

والأهضم، إنو بجوعة دخلت عالم التمثيل! تخايلوا إنو هالبجعة المهضومة طلعت بمسلسل “بالدم” بدور “سوسن”! مين كان بيتوقّع إنو طير ممكن يصير ممثل؟ بس بجوعة مش أي طير، عندها شخصية بتحبب الكل فيها. فيكن تحضروا مشهدها هون: 

اليوم، قصة بجوعة هي قصة حبّ بين الإنسان والطبيعة، وصداقة حلوة ما كانت بالحسبان. وبوجودها، البترون صارت أحلى وألطف، فيها البحر، الصيادين، والأشهر بين الكل… بجوعة! بتعرفوا عندها حساب خاص فيها ع انستغرام؟ فيكن تابعوا بجوعة البترون ع حسابها هون. 

شوفوا كمان، كافيه أول من نوعه بالنبطية، ولعشاق القطط بس!