بتحبوا القصص القديمة؟ محلكن المفضل باسم جديد وكنوز مخباية

مهووسين بالقصص الفينتج والقديمة؟ عم تبرموا بلبنان ع قطعة مميزة جديدة؟ Bob’s Vintage لازم يكون ع ليستة مشاويركن! هالكنز المخبّى بقلب بيروت ناطركن تكتشفو.

مين ورا Bob’s Vintage ؟

هالمحل مش جديد بالحقيقة! من سنة 1985 وهو بالسوق تحت اسم “محلات بوب”، ومؤخراً تغيّر اسمو لـ Bob’s Vintage. بإدارة وليد حوري وابنو بوب حوري، اللي دايماً بتلاقيهن ورا الكونتوار، جاهزين يستقبلوكن ويحكولكن القصص الحلوة ورا كنوزن!

Bob’s Vintage وHamra Vintage هنّ محلّين مختلفين! Hamra Vintage نقل ع شارع بلس، وفيكن تلاقوا الموقع الدقيق هون.

شو عندن شغلات بتجنن؟

من مجموعة روعة من الكاميرات الديجيتال (وبعدن شغالين، جرّبناهن)، لڤينيلات أصلية لزياد الرحباني، لماكينة الطباعة، المحل مليان كنوز بتخليكن تضيعوا ساعات بين رفوفو!

من وين لازم تبلشوا تدوروا؟

مننصحكن تسألوا وليد وبوب عن أروع القطع يلي عندن. رح يفرجوكن بكل شغف الكنوز يلي عندن وشو خبرياتن. بالحقيقة، بعض هالتحف مش للبيع بسبب ندرتن وقيمتن العالية!

هيك منكون حلّينا لغز محل بوب. نفس المحل المحبوب بعده هو المكان المفضل لكنوز فريدة وسحر بيوقفكن بالزمن.

تأكدوا إنكن تتابعوهن على إنستاغرام وتيك توك! فيكن كمان تتواصلوا مع بوب على 243 025 70.

شوفوا كمان، “رحت خطيفة معو!”…قصة الحب ورا فرن كريكور المشهور