أحلى ٢٥ مطعم تاخدوا الماما عليهن نهار عيد الأم!

عيد الأم مش أي نهار عادي، هو فرصة لنفرّح الماما ونهديها أحلى لحظات. وإذا بدكن تحتفلوا بطريقة مميزة، ما في أحلى من غدا أو عشا بمطعم بيشبهها وبيشبه ذوقها! بهالدليل، رح تلاقوا مطاعم تناسب كل أم، من الجلسات التقليدية البسيطة للديكورات الفخمة، ومن الأكل اللبناني الأصيل للنكهات العالمية. جاهزين تنقوا مشواركن ل عيد الأم؟

١. بيت كنز – سرسق

هيدا مش بس مطعم، هو بيت بيروتي قديم مليان فن وتراث وثقافة. القعدة هون بتاخدكن ع أيام الزمن الجميل، مع طاولات خشب، شبابيك ملونة، وجو حميمي بيخلي كل لحظة خاصة. الأكل؟ وصفة بيتوتية على أصولها، من التبولة والمتبل للمشاوي والأطباق البلدية. إذا الماما بتحب الأماكن الأصيلة، هيدا الخيار المثالي!

العنوان: سرسق
الرقم: 098 777 81

٢. Bouquet Délicieux – بدارو

هيدا المكان مش بس كافيه، هو تجربة بحد ذاتها! جربوا تحضروا بوكيه ورد بنفسكن وتكتشفوا أسرار تنسيق الزهور، وبعدها ارتاحوا مع فنجان قهوة وقطعة حلو لذيذة. أحلى فكرة إذا بتحبوا تهدوا الماما بوكيه ورد من إيديكن وتعملوا تجربة جديدة سوا!

العنوان: بدارو
الرقم: 291 201 03

٣. مطعم سود – ضبيه

إذا الماما بتحب الأكل الإيطالي الأصيل، سود هو العنوان الصح! المكان بديكور أوروبي أنيق، وأطباقو بتحسوا فيها ريحة إيطاليا الحقيقية. الباستا فريش، البيتزا مشوية عالحطب، والحلويات… بتاخد العقل! الجو رومانسي ورايق، وبيخلي كل مناسبة خاصة.

العنوان: ضبيه
الرقم: 056 888 78

٤. مطعم فينيزيا – سن الفيل

بتفوتوا على المطعم وبتشوفوا المي عم تجري وشخطورة، الموسيقى الحلوة وألوان الحب والغرام. إذا الماما بتحب الأكل الإيطالي رح تعيشوها حلم فينيسيا بلبنان.

العنوان: سن الفيل
الرقم: 540 516 01

٥. دا صوفيا – بادارو

هيدا المطعم هيك جايبلكن أكلات التيتا النولا البيتوتية على طاولتكن، القعدة كتير خرج مناسبات خاصة لأنها متل فيلم رومانسي. بتتميز القائمة الإيطالية بأطباقها التقليدية متل باستا بالمأكولات البحرية، معكرونة كاربونارا، البيتزا، الريزوتو، و كتير غيرهن!

العنوان: حراجل
الرقم: 650 711 03

٦. مطعم المنتزه – طريق عنايا

مشوار ل مار شربل بيكمل بأحلى غدا أو عشا بالمنتزه. المكان معروف بجوو الحميمي والقعدة جنب النار، والأكل شرقي على مستوى: مشاوي، مناقيش، وأطباق لبنانية بتشبع القلب قبل المعدة. تحلايتهم؟ ما بتنوصف، لازم تجربوها بنفسكن!

العنوان: طريق عنايا
الرقم: 631 760 09

٧. بيت الجبل – دير القمر

إذا الماما بتحب الطبيعة والجبل، بيت الجبل هو المكان المثالي. القعدة بانورامية مع إطلالة خيالية، والطاولات كلها خشب بأجواء قروية مريحة. الأكل قروي وبلدي، والمكان كلو طاقة إيجابية. خيار مثالي ليوم ممتع برات بيروت!

العنوان: دير القمر
الرقم: 767 160 72

٨. لوكاندا كورسيني – بكفيا

مطعم بأحضان الطبيعة، مليان شجر صنوبر وورود ومساحات خضرا. المكان واسع ومليان حياة، والماما رح تنبسط بالجنينة، أما القعدة بين الغابة مع أكلة طليانية طيبة بتكون تجربة مختلفة كلياً. ما تنسوا تجربوا عصيرهن الفريش!

العنوان: بكفيا
الرقم: 143 253 81

٩. French Brasserie – برمانا

إذا الماما بتحب الستيك والبطاطا، هيدا هو العنوان الصح! مطعم فرنسي أنيق، بيقدم أطباق عالمية مع لمسة فخمة وراقية. القعدة حلوة، الأجواء مريحة، والأكل بيطلع حكي وأحاديث!

العنوان: برمانا
الرقم: 500 105 79

١٠. قمر – حاريصا وبيروت

هالمطعم عندو أكتر من فرع، واحد بحاريصا مع إطلالة بتاخد العقل، والتاني ببيروت والتالت بأنطلياس على البحر. الأكل لبناني تقليدي، والتجربة كفيلة تخلي الماما مبسوطة عالآخر!

العنوان:
حاريصا: 880 801 03
بيروت: 188 988 01
أنطلياس: 300 710 81

١١. La Creperie – جونية

مطعم بجونية مع إطلالة ساحرة عالبحر. أجواء فرنسية، وأكلات مزيج بين البحر الأبيض المتوسط والنكهات الفرنسية. جو راقي ومناسب لمناسبة خاصة متل عيد الأم.

العنوان: جونية
الرقم: 022 202 71

١٢. بيت نزهة – جبيل

بجبيل القديمة، مطرح بياخدكن بذكريات الزمن الحلو. الأكل لبناني أصيل، من المازات المشبعة للمشاوي الطرية. القعدة بقلب السوق الأثري بتخلّي التجربة ولا أروع!

العنوان: جبيل
الرقم: 057 540 09

١٣. Una Cucina Di Pasta – المنصورية

إذا الماما بتحب الأكل الإيطالي، هيدا المطعم مش بس بيقدم أكل طيب، كمان فيكن تحضروا الباستا بنفسكن مع الماما وتعيشوا التجربة الإيطالية على أصولها!

العنوان: المنصورية
الرقم: 654 022 70

١٤. Bavaglino – درج مار نقولا

إذا الماما بتحب الباستا والحلو الإيطالي، هيدا هو المكان المثالي. تجربة فريدة بتقعدوا على درج بجنن وبتكتشفوا أسرار النكهات الايطاليه.

العنوان: درج مار نقولا _ الأشرفية
الرقم: 080 091 81

١٥. ماريو إي ماريو – مار مخايل وفقرا

جو رومانسي بامتياز مع إضاءة خافتة وطاولات مرتبة بكل أناقة. بيقدملكن أشهى الأطباق الإيطالية المحضرة بطريقة تقليدية، من الباستا الطازة للريزوتو الدسم، مع نكهة بتاخد قلبكن على الآخر. تجربة لا تفوت لعشاء مميز.

العنوان: مار مخايل وفقرا
الرقم: 036 888 76

١٦. Mamma in Cucina – الأشرفية

رحلة لقلب إيطاليا من قلب الأشرفية! هون بتلاقوا البيتزا المخبوزة عالحطب، الباستا المحضرة يومياً، وتحلاية التيراميسو يلي بتدوب بالتم. ما تنسوا تطلبوا فنجان الإسبريسو ليكمل التجربة.

العنوان: الأشرفية
الرقم: 530 400 81

١٧. ورد الشام – رملة البيضاء

طاولة مزينة بزهر الياسمين، مازة لبنانية على الأصول، ومنظر البحر قدامكن! هون بتعيشوا تجربة تراثية لبنانية مع المشاوي، الفتوش، والحمص، وكل الأطباق الشرقية يلي بتحبوها.

العنوان: الرملة البيضا
الرقم: 535 352 76

١٨. سنفريان – شارع كازينو لبنان

مش بس مطعم، هيدا متحف فني بحد ذاتو! صور عمالقة الفن اللبناني على الحيطان، موسيقى كلاسيكية، وأطباق شرقية وغربية بنفس المكان. القعدة المطلة على خليج جونية رح تنسي الماما كل هموم النهار.

العنوان: شارع كازينو لبنان
الرقم: 055 755 81

١٩. Sapori E Vini – جبيل

مطعم إيطالي راقي بمفهومو البسيط، بيجمع بين النكهات الغنية والمكونات الطازة. استمتعوا بنبيد لبناني أو إيطالي مع باستا بيتوتية وأطباق ستيك ولا ألذ.

العنوان: جبيل
الرقم: 333 734 81

٢٠. بالوني – ضبيه

تجربة غريبة وفريدة من نوعها! المطعم عبارة عن طاولات وسط بوالين مطاطة، كأنكن قاعدين بقلب بالون عم يطير. المأكولات مزيج بين النكهات العالمية بلمسة لبنانية مميزة.

العنوان: ضبيه
الرقم: 171 807 71

٢١. مطعم ماريو لينو – البترون

بيتزا عالحطب، ريحتها بتوصل قبل ما توصلوا على المطعم! الأجواء رومانسية مستوحاة من الشوارع الإيطالية الزغيرة، مع لمسات كلاسيكية بتخلي السهرة غير شكل.

العنوان: البترون
الرقم: 555 766 76

٢٢. Pearl Island – جبيل

ما بدها كتير شرح، الاسم بيحكي عن حالو! جزيرة زغيرة بألوان الأبيض والأزرق، وكأنكن بسفرية على الجزر اليونانية. المأكولات بحرية طازة مع مازة لبنانية رح تخلي التجربة استثنائية.

العنوان: جبيل
الرقم: 799 542 09

٢٣. Le Pêché – طبرجا

مطعم فوق سطح البحر، كأنكن عم تتعشوا وسط الموج! كل طبق لبناني أو بحري بتطلبوا بيجي مع منظر ولا أروع. خدو معكن حدا غالي على قلبكن يعني الماما، لأن الذكريات هون بتظل محفورة.

العنوان: طبرجا
الرقم: 478 400 81

٢٤. Le Pélican – طبرجا واليخت كلوب بيروت

إذا بتحبوا القعدة مع ديكور مستوحى من عالم البحار، أو بتفضلوا أجواء البحر مباشرة، هيدا المطعم بيجمع بين التنين. أطباق بحرية، حلويات شهية، وجو مثالي لعشا رومانسي.

العنوان: طبرجا واليخت كلوب بيروت
الرقم: 202 220 71

٢٥. L’otre Entrecôte – أنطلياس

مطعم متخصص بالستيك، لكن مش بأي طريقة! فيكن تطلبوا بالصحن الكلاسيكي، بالباغيت، أو حتى بالمرطبان! وإذا مش جايي عبالكن لحمة، فيكن تختاروا القريدس المشوي بصوص لذيذ. أجواء مريحة وأنيقة بنفس الوقت.

العنوان: أنطلياس
الرقم: 066 164 81

وين رح تاخدوا الماما؟

عيد الأم فرصة لنفرح ست الحبايب، اختاروا مطعم من هاللائحة واعملولا نهار ما بينسى!

شوفوا كمان، مازة لبنانية صيامية ب25$ عند أطيب مطعم بلبنان.