محل مهضوم عم يعمل بوفيه مفتوح صحي بضبيه!

عبالكن تاكلوا شي طيب بس بنفس الوقت صحي؟ Casper & Gambini’s بضبيه جايبلكن هيدا الخيار. صار فيكن تستمتعوا بأشهى الوجبات الصحية متل السلطات والأطباق السخنة والباردة وأكيد كل أكلاتكن المفضلة المعمولة بطريقة صحية.

يعني شو رأيكن بطبق مليان بروتين، من دون زيوت زايدة، مع طعمة بتاخد العقل؟ المشكلة إنو كل شي طيب، من السلطات الفريش للأطباق السخنة والباردة، والأحلى؟ الحلو كمان محسوب صح، يعني فيكن تدلعوا حالكن بتيراميسو، كيكات لذيذة، وعصير فريش أو حتى كاس نبيد!

بتسكبوا قل ما بدكن لأن كل شي طيب وكل شي مليان بروتين وفيتامينات وصحي بدون ما يفقد الطعمة الطيبة. وأكيد ما رح تحسوا حالكن أكلتوا كتير.

أيمتى وبقدي؟

كل نهار تلاتا ب Casper & Gambini’s فرع ضبيه من الساعة 12:30 للساعة 3:00
السعر: 34$ (مع TVA)

شو عاملين هالويك-أند؟

إذا عبالكن جو مهضوم وصبحية بتشبه الأفلام، Casper & Gambini’s عندن برانش كل سبت وأحد مناسب للعيلة وللأصحاب، ومش أي برانش! المخبوزات فريش وسخنة، السندويشات، الميني برغر، الكرواسان، والقصص الطيبة بتغريكن من أول نظرة. غير الفواكة والشاركوتري وعصاير الفريش يلي بتفتح النفس، والقهوة؟ فيكن تشربوا قد ما بدكن، من الإسبرسو للكابتشينو وللشاي… كل شي موجود.

مش ضروري تكونوا مع أصحابكن أو مع العيلة الكبيرة، حتى لو كنتوا لحالكن، الأجواء هون بترحب بكل العالم. القعدة مريحة، الأكل مرتب، والخدمة بتاخد العقل. وما في أحلى من الصبحية يلي بتبلش على طاولة مليانة أكل طيب.

أيمتى وبقدي؟

كل نهار سبت وأحد ب Casper & Gambini’s فرع ضبيه من الساعة 9:00 للساعة 12:30
السعر: 27$ (مع TVA)

الرقم: 474 407 03

عجبكن هيدا المقال عن البوفيه الصحي عند Casper & Gambini’s؟ شوفوا كمان، أول كافيه بيعمل شاي الكرك بلبنان… وين؟