١٢ محل بيعملوا أطيب صفيحة طرابلسية بلبنان

إذا كنتوا من عشاق الصفيحة الطرابلسية، فأنتوا بالمحل الصح! هالأكلة اللبنانية الأصيلة، بعجينة رقيقة وحشوة لحم بتتبيلة ولا أطيب، بتلاقيها بأكتر من محل بلبنان، وكل واحد عندو نكهتو الخاصة. من الأفران الشعبية بطرابلس لكل لبنان، جمعنالكن 12 محل بيعملوا أطيب صفيحة طرابلسية حول لبنان، وتعيشوا معنا الطعم الأصيل بكل لقمة!

1. الحلاب، فروع كافة 

ملك الصفيحة الطرابلسية، بيعمل عجينتها خفيفة وطيبة، وبيفرشلكن سفرة بتشهي! جربوها مع عصرة حامض، دبس رمان، وكم ورقة نعناع، وبتطلع معكن أطيب لقمة.

الرقم: 1881

2. مطعم أبو علي –  الزاهرية، طرابلس 

هالمطعم صرلو من ١٩٦٦ ومحبوب كتير بالمنطقة. عندو أطيب لحمة بيجيبها هو من عندو، وبيعمل منها ألذ صفيحة طرابلسية وبتجي مطوية ع طريقتو!

الرقم: 766 807 71

3. شيخ لبنان – الضم والفرز، طرابلس

شيخ لبنان فنّان بالمعجنات اللبنانية، بس لازم تدوقوا عندو الصفيحة الطرابلسية!

الرقم: 991 101 81

4. حلويات الداعوق، فروع كافة

محل الحلويات المحبوب مش بس بيعمل أطيب داعوقية، بس كمان بيقدم صفيحة طرابلسية خفيفة ومقرمشة مع دبس رمان رح تنغرموا فيها.

الرقم: عايشة بكار 182 919 70 – شتورة 805 035 71

الضاحية 182 919 78 – طريق الجديدة 203 300 01 – صور 423 250 70

5. حلويات البابا، صيدا

الصفيحة الطرابلسية من قلب صيدا وبس عند حلويات البابا المشهور!

الرقم: 226 735 07

6. مطعم أبو عبدو – عرمون، خلدة، المنصورية

أبو عبدو مشهور كتير باللحمة النية والمشوية لأنو عندو ملحمتو، بيعمل صفيحة ع أنواعها إن كان بعلبكية أو طرابلسية رح تحبوها كتير.

الرقم: 935 111 71 – 086 375 76 – 316 912 03

7. حلويات الذهبي، بربور 

إذا بتميلوا عنذ حلويات الذهبي ببربور بتلاقوا ناطركن أشهى الحلويات العربية وصفيحة طرابلسية بتشهي.

الرقم: 666 311 01

8. فرن المعلم، الأشرفية

فرن المعلم اسم ع مسمى، معلّم بالمعجنات الطازة والطيبة خاصةً عندو فطاير السبانخ الحرة والصفيحة الطرابلسية وتشكيلة مميزة من معجنات الشوفان.

الرقم: 905 820 70

9. قصر الحلويات –  بيروت الملا، شويفات

الصفيحة عند قصر الحلويات أكلة! مع دبس رمان، العجينة الطيبة، وشوية نعناع كتير رح تنبسطوا بكل لقمة!

الرقم: 616 215 03

10. تشرين، زغرتا

محل زغرتاوي بيعملكن صفيحة طرابلسية ع الأصول وأطيب!

الرقم: 636 433 81

11. حلويات البيك، راس بيروت

إن كان عبالكن تجربوها كلحم بعجين أو صفيحة، حلويات البيك بيعمل معجنات متل أصول أهل طرابلس!

الرقم: 752 745 01 – 404 810 05

12. فرن أطيب شي، كورنيش المزرعة

مناقيش، كعك، بيتزا، فطاير، هالفرن عندو كل شي وأطيب شي وأكيد الصفيحة الطرابلسية الخفيفة والشهية، ريحتها لحالها بتحكي.

الرقم: 998 344 71 – 991 308 01

شوفوا كمان، لقينالكن 40 مطعم حول لبنان عندن إفطار تحت 30$