صار في ماركة لبنانية عم تبيع ألعاب جنسية بلبنان!

Cumequoi ماركة لبنانية عربية بلشوها نساء عرب، هدفها تحدث فرق بتغيير نظرة المجتمع لموضوع الصحة والمتعة الجنسية وخلق مساحة آمنة للحكي والاستكشاف بدون أحكام. بوقت هيك موضوع بعدو بيعمل إحراج أو يعتبر “عيب” بمجتمعنا، هني عم يفتحوا الباب للنقاش بطريقة طبيعية ومريحة.

بما إنو الألعاب الجنسية بلبنان بعدا ضمن قانون رمادي، Cumequoi هدفها تمكن الأفراد إنن يتقبلوا رغباتن بدون إحساس بالذنب.

Cumequoi أول ماركة لبنانية وعربية مختصة بالألعاب الجنسية. بتقدم مجموعة واسعة من المنتجات، من أدوات المتعة الفردية، لزيوت ومسلتزمات تانية، وحتى أكسسوارات على شكل أعضاء جنسية بتصاميم مختلفة. الهدف مش بس توفير المنتجات، بل كمان خلق مساحة يكون فيها الحديث عن هالموضوع طبيعي وبدون إحراج.

الأسعار

الماركة عندها خيارات بتناسب مختلف الميزانيات، من منتجات صغيرة وبسيطة اللي بتبلش بـ15$، لحد الألعاب المتطورة اللي بتوصل لـ270$. وحتى إذا كان هيدا الشي جديد على الزبون/ة، في عندن ألعاب لوحية للكبار بتساعد الأشخاص يكتشفوا هالمجال بطريقة تفاعلية متل نسخة 18+ من المونوبولي.

Cumequoi ما بيشتغل بس على بيع المنتجات، بل كمان على كسر الصور النمطية والتابوهات، وخلق بيئة آمنة لكل الأشخاص، وخاصة النساء والمجتمع الـ LGBTQ+. الهدف هوي إنو كل شخص يكون مرتاح مع حالو ومع خياراتو بدون ما يحس بأي نوع من الضغوطات أو الأحكام الاجتماعية.

Cumequoi بيعرفوا أهمية الخصوصية، ولهيك كل الطلبات بتجي بتغليف مزدوج بدون أي شعارات أو إشارات بتدل على المنتج. يعني الزبون فيه يستلم طلبو بكل راحة بال. فيكن تلاقوا معلومات مفصلة عن خيارات التوصيل على موقعهن.

بالمختصر، Cumequoi مش بس ماركة، هوي محاولة لفتح نقاش صريح وطبيعي عن المتعة الجنسية بلبنان، بمساحة آمنة ومحترمة للجميع.

بدكن تدعموا المشاريع المحلية؟ زوروا قسم #إدعم_محلي على موقعنا!