سيلاوي خطب ساندرا بحفلة خيالية وسط تلج لبنان!

سيلاوي قرر يعمل خطبة غير شكل، واختار جبال لبنان المغطاية بالتلج ليطلب إيد حبيبة قلبو ساندرا حلبي. الأجواء كانت متل مشهد من فيلم، بياض بكل محل، والبرد والتلج، بس الدفا كان طاغي من الحب والفرح يلي عم يملي المكان.

^{Credits: Elias Khalil Event Planner}

الحفل كان بسيط وراقي، كل شي متناغم، من الورد الأبيض للصحون ولأدق التفاصيل. منظم الأعراس إلياس خليل اشتغل على الديكور بطريقة بتخلي الأجواء كأنها من عالم تاني، وأضاف لمسة خيالية للحفل متل تبع حكايات الأميرات.

^{Credits: Elias Khalil Event Planner}

سيلاوي شارك صور الخطبة على إنستغرام بتعليق قصير بس مليان إحساس: “عيلتي”. اللقطات بينت الفرح الحقيقي بعيونن، وخلت الفانز والناس تعيش اللحظة معن وكأنن كانوا جزء من الحدث.

^{Credits: Elias Khalil Event Planner}

ساندرا اختارت فستان بيج بسيط وناعم، بعبر عن ذوقها الراقي. أما سيلاوي فلبس بدلة بنفس اللون، وهالتناسق عطى جو حالم وكأنن جزء من لوحة كلاسيكية وسط التلج.

^{Credits: Elias Khalil Event Planner}

المكان كان أشبه بقصر من الخيال وهوي سابا، التلج مغطي كل شي، والجنينة حوالين القعدة زادت السحر. كل زاوية كانت بتستحق صورة، والمنظر الطبيعي خلا الأجواء كلها رومانسية وحميمة بطريقة ما بتتكرر.

^{Credits: Elias Khalil Event Planner}

سيلاوي مش بس نجم بلبنان والأردن، إسمو صار معروف بكل العالم العربي، وسبق وغنى بعرس ولي عهد الأردن الأمير الحسين بن عبد الله التاني والأميرة رجوة، وخطف القلوب بأغنيتو الشهيرة “بس عشانك”.

ساندرا مش بس حبيبة قلبو، هي كمان كانت جزء من مسيرتو الفنية، وشاركت معو ببطولة فيديو كليب غنية “علمني عيش”، وكأنها كانت رسالة حب علنية قبل إعلان خطبتن.

اليوم، الكل ناطر يشوف كيف رح تكمل هالقصة لي بلشت بين التلج والجبال ووين رح يكون العرس. بس الأكيد إنو الحب لي جمعن أقوى من أي برد، ومستقبلن رح يكون مليان لحظات بتشبه هاليوم الحلو.

شوفوا كمان، بتعرفوا إنو في مطعم فيكن توصلوا علي بالحصان بلبنان!؟