صار فيكن تجربوا ترند البطيخ بالحلوم بهيدا المحل ببيروت!

محل الشاورما الشهير “كلاسيك شاورما” فاجأنا بجديدو وجاب ترند سندويش البطيخ مع جبنة الحلوم يلي اكتسح إنستاغرام! صار فيكن تجربوا بمحلن ببيروت، وخلوا الطعمة تحكي عن حالها.

التجربة بتشهي! تخايلوا بطيخة حمرا، محشية جبنة حلوم مشوية بتدوب بالتم، مع مربى تين بيعطيها طعم خرافي، و شوية جوز ولوز بيقرمشوا تحت سنانكن، و فوق كل هيدا نعنع منعش! شو بدكن أكتر من هيك؟ هيدا المزيج رح يخليكن تحسوا حالكن عم تاكلوا قطعة من الجنة!!

بس تاكلوا أول لقمة، رح تحسوا كأنكن قاعدين عالنهر بالصيفية، والهوا عم يلعب بشعركن. يلي جربوها قالوا إنو الطعمة ولا أروع، مزيج الحلاوة والملوحة مع قرمشة اللوز بيعطي تجربة غير شكل.

هيدا المحل أول مين جاب هالسندويش البطيخ علبنان، وعم يقدملكن ياها كتحلاية بعد أطيب شاورما عندن! يعني شاورما لذيذة وبعدها شي ما بيتفوت.

فيكن تطلبوها ديليفيري أو تمرقوا عالمحل وتجربوا بنفسكن هالترند العالمي يلي صار متوفر هون.

البطيخ طازة، الحلوم مشوية، مربى التين، و لمسة سحرية من المكسرات! جربوها وخبرونا رأيكن، لأن عن جد شي غير شكل!

السعر: 000 400 ل.ل.

العنوان: طريق المطار، حد بلدية الغبيري
الرقم: 095 886 70

شوفوا كمان، انسوا شوكولا دبي، صار في شوكولا بيروت!