برغر ع معجوقة ومنقوشة بعجينة بيتزا؟ جربوهن هون!

في محلات بتعمل مناقيش، وفي محلات بتعمل برغر… بس محل بيجمع الاتنين بأسلوب ما خطر عبال حدا؟ هيدا المحل عملها! حبيبي بيروت فاتح جديد بالحمرا، وقرر إنو الأكل اللبناني فينا نجدد فيه بلا ما نخسر نكهتو الأصلية. منقوشة بس بعجينة بيتزا؟ برغر ع معجوقة؟ سلطة شاورما؟ هون كل شي بصير!

إذا مفكرين حالكن جربتوا كل أنواع المناقيش، فكروا بعد مرة! هون بيحضروا المناقيش بعجينة البيتزا، فبتطلع سميكة أكتر، مقرمشة من برا، وطرية من جوا. زعتر، جبنة، لحمة بعجين… نفس الطعمة اللي منعرفها، بس بحجم أكبر وبنكهة أغنى. تجربة بتشبع وبتخليكن ترجعوا تطلبوا بعد وحدة!

المعجوقة معروفة إنها أكلة سريعة، بس هون قرروا يعطوها لمسة غير شكل. بدل ما تاكلوا البرغر التقليدي، جربوا برغر ع معجوقة والتتبيلة يلي بتخلي كل لقمة أطيب من التانية.

لمحبي الأكل التقليدي، عندن فروج ع الفحم مسحب، برغر عاللبناني، سندويشات شاورما دجاج مع طربوش توم، وشاورما لحمة بتتبيلة بتاخد العقل. وما ننسى الأطباق اللبنانية يلي بتحسسكن كأنكن قاعدين ع سفرة البيت: برغل ع بندورة، سلق بطرطور، مدردرة، محشي سلق، وهندبة بزيت زيتون. حتى عندن سلطة شاورما.

هون كل شي معمول حتى يرضي كل الأذواق، إذا كنتوا من محبي الأكل التقليدي أو بتحبوا تجربوا كل شي جديد. محل جوو حلو، وأكيد بتطلعوا شبعانين وراضين!

الحمرا: 720 472 03
فنار: 397 553 70

شوفوا كمان، أطيب ٩ محلات بتقدم شاورما تركية بلبنان.