انسوا شوكولا دبي، صار في شوكولا بيروت!

وسعوا الطريق لأنو شوكولا بيروت وصلت! بعد ما ضجّت السوشيال ميديا والعالم كلو بترند شوكولا دبي، صار الوقت نخبركن عن شوكولا بيروت! وإذا شوكولا دبي يلي عملوها Fix Dessert Chocolatier صارت ترند، إجت شوكولا بيروت لتحطّ بصمتها بنكهة ما بتنتسى! 

شوكولا بيروت هو رسالة حب للبنان من تحت إيدان الشيف الشهير فيليب خوري، بار من الشوكولا مصمم بكتير شغف للبنان. هالشوكولا معمول ع شكل طابع بريد لبناني قديم مع ختم لندن، بيذكر كل مغترب بالوطن، عملوا الشيف خوري لكل اللي لبنان ساكن بقلبن لو وين ما كانوا بالعالم.

مكونات كلها حب وتراث!

المكوّنات بتاخدكن رحلة ع لبنان: كراميل بزهر الليمون، بقلاوة مقرمشة، كريمة الكاجو الناعم، وكلّو مغمّس بشوكولا حليب اللوز. الطعم؟ غني، متوازن، بيجمع بين الفخامة والإبداع، وبيعطي إحساس بيذكّرنا بأحلى ذكريات الطفولة وتراثنا الحلو.

هالشوكولا وصلت، رح تاخد مطرحها وبقوّة! ما تنسوا تابعوا الشيف فيليب هون لتعرفوا ايمتن بتقدروا تحصلوا على هيدا الشوكولا. 

شوفوا كمان، من لبنان ع مرمريس، مطعم بابل المشهور جاية ع تركيا!