بتتذكروا مسلسل “نور”؟ مرق 20 سنة وهيك صارو نجومو!

مين ما بتذكر مسلسل “نور“؟ العمل التركي يلي قلب الدنيا لما انعرض، وصار حديث كل بيت، خصوصي مع مهند ونور وقصة الحب يللي عشناها معهن حلقة بحلقة. صدقوا أو لا، مرق 20 سنة ع هالمسلسل! بس بعدو محفور بذاكرتنا وكأنو من كم سنة بس.

هالمسلسل كان من أول الأعمال التركية المدبلجة يللي اجتاحت الشاشات العربية، ووقتها العالم كله تعلّق بشخصياته. قصته عن مهند يلي كان غارق بالحزن بعد ما خسر حبيبتو، ليجبره جده على الزواج من نور، البنت البسيطة يللي حبّته من صغرها. بس مهند رفضا بالبداية وهرب بليلة عرسه، وبعد كتير دراما ومواقف مؤثرة، بلّش يوقع بحبها شي شوي.

كيفانتش تاتليتوغ (مهند) صار من أكبر نجوم تركيا، وسونغول أودن (نور) بعدا مكملة بمسيرتها الفنية. وحتى باقي الشخصيات متل شريفة خانم، دانا، أنور، وبانا، كل واحد منهم كفى طريقه بالمجال التمثيلي بطريقة أو بأخرى.

هيك صارو نجوم نور اليوم:

١. سونغول أودن “نور”

٢. كيفانتش تاتليتوغ “مهند”

٣. غونغور بايرك “شريفة خانم”

٤. إيشة فارلير “دانا”

٥. سيردار اورتشين “أنور”

٦. سيفينش جلسين “بانا”

بعد نجاح المسلسل الكبير، صار حديث الصحف العالمية. من فترة، نشرت “لوس أنجلوس تايمز” تقرير عن تأثير المسلسلات التركية، وذكرت إنو “نور” كان من أكتر الأعمال يللي تركت بصمة كبيرة بالعالم العربي. لدرجة إن المشاهدات وصلت لـ 92 مليون شخص! حتى إنو تركيا صارت تاني أكبر موزع مسلسلات بالعالم بعد أميركا، وجنت شركات الإنتاج أرباح خيالية من الأعمال التركية.

رغم مرور السنين، بعدو مسلسل “نور” ذكرى حلوة لكل يللي حضرو، وكتار بيتمنوا يشوفوا إعادة إلو ليسترجعوا أيام الطفولة والمراهقة. برأيكن، هلق لو انعرض مسلسل “نور” كان رح ينجح قد قبل؟

شوفوا كمان، بتتذكروا أشهر مسلسل مكسيكي بلبنان: كان بس ينعرض تفضى الطرقات!