ممثلة لبنانية عندها 5 جنسيات، مين هي؟

مين ما بيعرف رزان جمال؟ الممثلة يلي سحرت الكل بدورها بمسلسل الثمن، طلعت مش بس موهوبة، كمان عندها 5 جنسيات! لبنانية، بريطانية، رومانية، تركية، وفلسطينية. قصتها مش عادية أبدًا، وجذورها جولة حول العالم.

رزان خلقت ببيروت، بس عيلتها عندها تركيبة كتير غنية. بيّها بريطاني لبناني خلق بنيجيريا، وجدها من أم رومانية وبيّ تركي التقوا بلبنان. أما جدتها، فكانت بنت من أب فلسطيني وأم فرنسية تعرّفوا على بعض بلندن. وأهلها أصلاً عاشوا بمصر قبل ما يستقروا.

هيدي الخلفية المليانة تنوّع انعكست على شخصيتها وعلى تمثيلها. الناس تأثرت فيها بمسلسل الثمن، لأن شخصيتها الحقيقية بتشبه سارة، خصوصي بعد ما مرقت بتجربة صعبة مع إمها يلي خسرتها بسبب السرطان. وهيدا الشي خلاها تعطي كل إحساسها بالدور.

رزان مش بس برعت بالدراما اللبنانية، بدايتها كانت من نيويورك، وشاركت بأعمال عالمية متل Sandman. وبعدها تألقت بأدوار مختلفة، من إمبراطورية مين مع هند صبري، لـ ما وراء الطبيعة، وبعدها كيرة والجن مع أحمد عز وكريم عبد العزيز.

واليوم، رزان مكملة نجاحها بمسلسل القدر على MBC، هالمرة بعمل تركي معرّب، وعم تلعب دور نور، الصبية الفقيرة يلي بتواجه يوسف، الشخصية الشريرة يلي بيلعبها وسام حنا. من نيويورك لبيروت، ومن الدراما العالمية للعربية، مسيرة رزان جمال بعدها بأولها ومبينة رح تكمل بقوة!

شوفوا كمان، شوفوا معنا مسلسلات رمضان اللبنانية والسورية لسنة 2025!