أطيب ١٢ مطعم إيطالي مش كتير معروفين بلبنان

إذا كنتوا بتحبوا المأكولات الإيطالية وعم تدوروا على تجربة مختلفة بعيداً عن الأماكن المعروفة، في كتير مطاعم إيطالية مش كتير مشهورة بس بتقدّم أكلات طيبة وأجواء مميزة. رح نكتشف مع بعض أطيب ١٢ مطعم إيطالي مش كتير معروفين يلي بتقدّم نكهات أصيلة بلبنان.

1. Pizza Mina، كفرحيم

مطعم إيطالي جديد فتح بالجبل، جربوا عندن بيتزا المارغريتا الكلاسيكية، أو البيستو الكريمي، وما تنسوا تتحلوا بأطيب تيراميسو.

الرقم: 266 372 03

2. Morano village، صيدا

مورانو مطعم ما صرلو كتير فاتح بصيدا بيقدملكن التجربة الإيطالية، بيقدم أطيب أطباق الباستا مع جو إيطالي كلاسيكي وقعدة جنينة كلها رومانسية!

الرقم: 644 933 81

3. ZLuna Pizza، الضاحية

مش كتار بيعرفوا هالمطعم الإيطالي بالضاحية! الشيف بيعمل عجينة الباستا بإيدو، والبيتزا خفيفة ع طريقة نابولي المميزة! هيدا عدا إنو بتلاقوا عندو البيتزا المطوية.

الرقم: 429 094 03

4. مطعم زهرتوني، القبيات

عبالكن أكل إيطالي وسط جو الضيعة؟ مطعم زهرتوني هو مطعم إيطالي بالقبيات، عندو أطيب باستا شغل إيد! بيعمل طبق الباستا على أصولو وبمختلف أنواعها لتعيشوا تجربة المطبخ الإيطالي الأصيل.

الرقم: 844 469 81

un Basilico .5، بعقلين

عيشوا تجربة إيطالية مميزة عند هالمطعم ببعقلين: تفرجوا على الباستا ع تتحضر قدامكن من قالب البارميزان ع صحنكن!

الرقم: 810 805 81

6. Elysium، زبدين

الباستا الإيطالية وقعدة تحت شجر الزيتون الجنوبي بتلاقوها بس عند Elysium بزبدين!

الرقم: 940 909 70

7. Perfetto Pizzeria، النبطية

هالمطعم الإيطالي بيعمل بيتزا ع الحطب وباستا غير شكل! دوقوا عند بيتزا القريدس، السلمون، وحتى كمان البافلو!

الرقم: 256 209 03 – 967 769 07

8. La Luccia، البترون

عيشوا تجربة المطبخ الإيطالي التقليدي من قلب سوق البترون العتيق، ريحة البيتزا ع الحطب والباستا الكريمي بتشق القلب!

الرقم: 923 479 70

9. Donvitto، صور 

مطعم محبوب بصور لأنو بيقدم أشهى بيتزا إيطالية بالمنطقة، ومش بس هيك عندو منيو من أطباق عالمية!

الرقم: 840 406 71

10. Olivo، بحمدون

مشواركن ع الجبل ما بيكمل من دون ما تدوقوا البيتزا الإيطالية والباستا المميزة عند أوليفيو!

الرقم: 111 263 05

11. Pertutti – الحمرا والحازمية

هالمطعم الإيطالي رح يصير وجهتكن المفضلة لتدوقوا باستا بالحمرا.

الرقم: الحمرا 607 360 01 – الحازمية 000 457 05

12. Una Pizza، طرابلس

المعكرونة، اللازانيا، الباستا ع أنواعها، والبيتزا النابولي ناطريتكن عند أطيب مطعم إيطالي بطرابلس!

الرقم: 960 610 03

شوفوا كمان، ١٠ كافيهات ببيروت خرج ضهرة رومانسية مع الحبيب