هيدا الكافيه الجديد ببيروت.. قعدة دافية وقهوة غير شكل!

لكل محبي القهوة وجماعة القعدة بالكافيهات، خبرية بتفرح القلب: كافيه جديد فتح بوابو ببيروت!

^{المصدر: @talaviews}

قهوة US Coffee جايب معو نكهة خاصة عقلب المدينة، بموقع ولا أروع بوسط بيروت، المكان المثالي لتبلشوا نهاركن بهدوء وتتفرجوا على العالم وتحسوا بشوية عالراحة.

المحل مزين بالورد وديكورو بسيط وراقي بيريّح العين، وإذا إنت من النوع اللي بيحب يبلش نهارو عرواق قبل ما يبلش بشغلو، هيدا الكافيه ممكن يصير الكافيه المفضل عندكن! وال brew bar عندن بيفتح من الساعة 7 الصبح، يعني الريحة لحالها بتفيقكن!

^{المصدر: @talaviews}

مش بس القهوة، US Coffee بيخلق لحظات مميزة، إذا كنتو جايين مع أصحابكن أو حتى عبالكن تدردشوا مع الموظفين اللطيفين. وعلى حيطان الكافيه، حاطين مسجات وكلمات حلوة بتخليكن تحسوا حالكن ببيتكن!

المصدر: @talaviews

والطقس البارد هو الوقت المثالي لكزدورة قهوة دافية، فجربوا توقفوا عندن بنهار شتوي وتشربوا فنجان قهوة بيدفي القلب، وما تنسوا تدللوا حالكن بصحن الجبنة مع العسل أو اللبنة مع الفستق عالصبح!

والأحلى؟ إذا عندك حيوان أليف، فيكن تاخدو معكن وتقضوا وقت ممتع سوا! تابعوهن عإنستغرام لتشوفوا كل شي جديد.

شوفوا كمان، فالنتين ع راس الجبل مع أحلى فيو بلبنان!