أهضم ديو: شيف لبناني يحضر الأكل مع الكلب تبعو!

رح نخبركن عن واحد من أهضم صناع المحتوى بلبنان. هيدا شيف لبناني عنده حساب اسمه @woofkitchin و بيقضي نهارو عم يجرب وصفات أكل جديدة. بس مين الشيف المساعد إلو؟ أهضم كلب غولدن ريتريفر!

الشيف مايكل صعب بيحضّر أطباقو الشهية (عنجد شكلن بجنن)، و كلبه يلي يمكن اسمو بنز، بيتفرج عليه. وطبعاً هو الخبير بتذوق الأكل.

إذا كان عندكن كلب، بتعرفوا أديه صعب يقعد هادي إذا كان فيه أكل قريب منو. وللصراحة، نحنا معجبين إنه بنز حافظ على هدوءه بكل فيديو. هالشي بيبين إنه بياخد شغلو بجدية كتير.

حسابن مليان فيديوهات طبخ مع بنز، حضروهن لتنبسطوا شوي.

تأكدوا إنكن تعملوا فولو على تيك توك لمزيد من الفيديوهات اللي بتشهي (وبتفرفح القلب)!

شوفوا كمان، على موتوسيكل أزرق، شاب بيدعم محلات الضاحية بأهضم طريقة!