أحلى ٨ كافيهات لازم تجربوهن بقلب النبطية!

لكل محبي الكافيهات و القهوة، خلونا نخبركن عن أحلى ٨ كافيهات لازم تجربوهن بقلب النبطية!

1. Qahwa

قهوة هو كافيه لطيف فتح جديد بالنبطية. بتلاقوا عندو ألذ لاتيه و اسبريسو مع حلويات شهية.

2. سطيحة

هالمطرح أكتر من كافيه، مساحة ثقافية و مقصد لكل حدن عبالو يسهر بالجنوب. عدا عن السهريات الحلوة، بالنهار عندن فيو عن التراس بيطل ع سهل الميدنة بكفررمان.

3. شوكو سوشي

عبالكن جو كلاسيكي وقعدة آخر كنكنة بالنبطية؟ ما إلكن إلا شوكو سوشي، استأنسوا بقهوتكن مع كتاب والأجواء العتيقة يلي بترجعكن بالزمن لورا.

Via @zeinab_ezzeddinee on Instagram.

4. Coffeeholic

كافيه لطيف وملون لازم تجربوا بالنبطية.للأسف تضرر بالحرب، بس رح يفتح قريباً فما تنسوا تدعموا!

الرقم: 849 660 81

5. Cafe local

بدكن كافيه رايق لتشتغلوا أو تدرسوا؟ هالمطرح بتلاقوا قريب من حي الجامعات بالنبطية، ومش بس هيك! محبي الماتشا كتير رح ينبسطوا بالمشروبات يلي عندو!

الرقم: 700 774 76

6. Moge tee

كافيه ع الموديل الياباني بالنبطية! عدا عن الشاي الياباني يلي عندن، جربوا التشيز كيك والحلويات المهضومة.

7. Agora Coffee shop

زوروا أغورا و انبسطوا بطعمة القهوة اللذيذة مع أصحابكن أو لحالكن مع شي كتاب. 

الرقم: 616 033 03

8. Krema

هالكافيه بيتميز بديكور لطيف و ألوان رايقة بتهدي الأعصاب، عدا عن القهوة و المخبوزات الشهية.

أي كافيه من هيدي كافيهات بقلب النبطية مجربينها أو رح تجربوها؟

شوفوا كمان، أجمل ٩ كافيهات مع جنينة بقلب بيروت