أحلى ١٤ محل تجربوهن برات بيروت!

مين قلكن المشاوير الحلوة بس ببيروت؟ خلونا نخبركن عن أحلى ١٤ محل و كافيه تجربوهن برات بيروت! كل محل عندو جو مميز وتجارب حلوة إن كان كافيه أو مساحة ثقافية أو مطعم، لازم تعيشوها ومن وين ما كنتوا بلبنان!

1. The Koozpace، بعبدا

The Koozpace رح يصير مكانكن المفضل ببعبدا لأنو بتلاقوا فيه كل شي بدكن ياه بمطرح واحد. من كافيه، مساحة شغل، مسبح، وحتى نادي رياضي!

نحنا منحب نزور هالمحل لأنو بيأمن مساحة شغل هادية ومميزة (coworking space). أما الكافيه، عندو مساحة واسعة وقعدة حلوة لتاخدوا بريك بعد الشغل، ترتاحوا، أو حتى تلتقوا مع أصحابكن وتلعبوا سوا Boardgames.

اطلبوا قهوتكن، مع الكرواسون الطازة يلي عندن أو كوكيز غنية وبتحلي القلب!

مطرح بيجمع الراحة، الرواق، الشغل، وحتى النشاطات الممتعة. ما تنسوا تابعوهن ع انستغرام هون. وللمزيد من المعلومات، التواصل على 208 195 81.

2. Unicorn Coffee House، برمانا

هالكافيه المكنكن بنص برمانا بعيشكن جو بيتوتي دافي ولطيف هالشتوية.

الرقم: 966 822 71

3. Bella Bean، دوما

لما تطلعوا ع دوما وتزوروا سوقها القديم، ما تنسوا تميلوا على كافيه بيلا بين لقهوة وحلويات طيبة.

الرقم: 815 340 03

4. بيت ست الكل، حمانا

بتلاقوا بحمانا رستو كافيه بيقدم أكل بيشهي، قعدة مع الكتب، ونشاطات ثقافية وموسيقية ممتعة.

الرقم: 345 469 76

5. Green’s، صيدا

إذا بدكن مشروبات طيبة بصيدا، لازم تزوروا غرينز وتدوقوا الحلويات يلي بيعملها، خاصة مع الهوت شوكولا.

الرقم: 355 755 07

6. krema، النبطية

كافيه مهضوم مع قعدة رايقة وديكور هادي ومشروبات طيبة. عندو قعدة حلوة للشغل أو للدرس.

7. Sol Bistro، بعلبك

زوروا هالكافيه اللطيف ببعلبك، جربوا اللاتيه، المخبوزات الطيبة، ولعبوا دق طاولة!

8. Noix Le Café، البترون

كافيه بياخدكن ع باريس وجمالها، عندن حلويات ملونة ومهضومة مع قعدة بنص سوق البترون العتيق.

الرقم: 651 779 03

9. The Coffee Book، جبيل

هالمطرح كان من أقدم مكتبات جبيل قبل ما يتحوّل لكافيه لكل عشاق القراية والقهوة!

الرقم: 876 111 70

10. GreenHouse Café & Bar، البترون

مطرح مميز بالبترون لتجربوا قهوة طيبة، أو تدوقوا بيتزا وفوندو ومشروبات. عندن قعدة مليانة خضار وأجواء كتير مكنكنة.

الرقم: 310 125 70

11. OURS Cafe، زحلة

عبالكن برانش توست وفريز بزحلة؟ أو هوت شوكلت مع مارشميلو؟ زوروا هالكافيه وانبسطوا بالأجواء الونسة.

الرقم: 238 394 03

12. Deens Coffeeshop، طرابلس

قعدة ممتعة مع الأصحاب، قهوة طيبة، أجواء حلوة، وكمان ألعاب طاولة ناطرتكن عنذ دينز.

الرقم: 995 991 70

13. صالون زحلة، زحلة

عبالكن ترجعوا بالزمن ع الستينات؟ صالون زحلة عندو قعدة تراثية، فنجان قهوة عريبة غير شكل، وجو رايق ع الآخر.

الرقم: 661 442 81

14. Little Byblos، جبيل

جوهرة مخفية بقلب جبيل، كافيه مهضوم لكل محبي الرواق والكتب.

حبيتوا هل كم محل و كافيه برات بيروت؟

شوفوا كمان، أجمل ٩ كافيهات مع جنينة بقلب بيروت