بتتذكروا نجوم ستار أكاديمي 1؟ شوفوا كيف صاروا بعد 21 سنة!

مين منا ما قعد قدام التلفزيون يتابع ستار أكاديمي وعيونو عالبرايم كل جمعة، عم يراقب المنافسة ويشجع نجمو المفضل؟ ستار أكاديمي 1 كان أكتر من برنامج، كان حالة اجتماعية جمعت لبنان والعالم العربي كلو. وهلق، بعد 21 سنة، وين صاروا نجوم أول موسم؟ خلينا نتذكرن سوا ونشوف كيف تغيروا.

محمد عطية

الفائز الكبير بأول موسم! محمد كان الكل يحبو، وخصوصي بخفة دمو وصوتو الحلو. بعد الأكاديمية، كمل مشوارو بالغنا وصار عندو كم ألبوم ناجحين! دخل عالم التمثيل وصار نجم بشاشات السينما والتلفزيون. كمان، إذا بتتابعوا عالسوشيال ميديا، رح تلاحظوا كيف مهتم برياضتو وصحتو.

بشار الشطي

“بشارنو” المهضوم لي كلنا حبينا ضحكتو وصوتو الدافي! بشار، الكويتي الموهوب، كمل بالغنا وعمل ألبومات وأغاني بين 2005 و2009. هلق بشار موزع وكمان فات بمجال الإعلام كمقدم برامج وكمان كممثل. وكمل حياته العائلية بعد ما صار أب.

صوفيا المريخ

الجمال المغربي المميز! بعد الأكاديمية، صوفيا ركزت على الغنا وصارت نجمة بالساحة الفنية. بس فجأة قررت تترك المجال وتفتح مركز تجميل وسبا خاص بالمغرب. اليوم، مركزة على حياتها العائلية وعم تعيش حياتها ببساطة ومش من زمان رجعت على عالم الفن بغنية.

بهاء الكافي

التونسية الرقيقة والمجتهدة! بهاء كانت آخر بنت بقيت بالأكاديمية، وهيي متخرجة من مجال المحاماة. أصدرتأغاني ومثلت بأفلام. بهاء رجعت عالساحة الفنية بفترة من الفترات، بس اليوم هيي أم وعايشة حياة مستقرة مع عيلتها بفرنسا.

محمد خلاوي

النجم السعودي صاحب الصوت الحلو! محمد ما كمل متل غيره بالمجال الفني، بس عمل كم غنية. هلق، إذا بتحبوا تتابعوا أخباره، بتلاقوه على مواقع التواصل الإجتماعي عم يشارك لحظات من حياتو اليومية.

برونو طبال

الموهبة اللبنانية لي كان عندها نكهة خاصة! برونو ما وصل للنهائيات متل غيرو، بس أكيد ما نسيتو الجماهير. كمل بالغنا، ونزل أغاني مع فيديو كليبات، وكمان صار ممثل ومخرج بمسرحيات ومسلسلات وعطول نشيط مع سينتيا كرم.

سينتيا كرم

البنت اللبنانية المتعددة المواهب! سينتيا ما وقفت بعد الأكاديمية، بالعكس، صارت نجمة بالمسرح والتلفزيون. شاركت بمسرحيات كتير وكمان عملت عروض حية. بالإضافة، هيي ممثلة محبوبة ومقدمة برامج وناشطة بالمجتمع.

أحمد الشريف

التونسي الوسيم بصوتو لي أسر العالم العربي! أحمد كان من أكتر الأسامي لي نجحت بعد الأكاديمية، خصوصي بأغاني لي تصدرت الشاشات والإذاعات. بس فجأة اختفى عن الساحة الفنية، وقرر يركز على حياتو العائلية.

ميريام عطالله

النجمة السورية المحبوبة! ميريام ما وقفت بعد الأكاديمية، لا بالغنا ولا بالتمثيل. نجحت بمسلسلات كتيرة، وأغانيها كانت حديث الجمهور. لحديت اليوم، ميريام عم تكمل مشوارها بالتمثيل والمهرجانات والحفلات والأغاني .

مين كان نجمكن المفضل بأول موسم؟ وهل تغييراتن فاجأتكن؟ شاركونا تعليقاتكن!

شوفوا كمان، الحب من أول نظرة: قصة ريم السعيدي ووسام بريدي