برغر بالسلة بينزل من البلكون لعندكن، شو قصة هالمحل؟

شيف لبناني بكفرشيما عندو حلم يفتح مطعم برغر بالمستقبل، بس قرر يعمل البلكون يلي عندو مطعمو الخاص! وسمّى شغلو البسيط Burger Balcony، عم يرجع يحيي التقاليد اللبنانية وبأهضم طريقة، بيعملكن برغر بيشهي وبينزل بالسلة من البلكون لعندكن.

مين بعد بيتذكر لما كانت تيتا تنزل السلّة مع شوية مصاري من البلكون لتجيب أغراضها من الدكّانة؟ كانت هالعادة دليل على الشطارة وبتخلي الحياة اليومية تصير أسهل شوي.

أديه حلو إنكن تاخدوا طلب البرغر تبعكن بنفس الطريقة؟

من البلكون، بيعمل أشهى برغر بكفرشيما. برغر بسيط بدون تكاليف، معمول بكتير حب وشغف.

كل قطعة برغر smashed بشكل مثالي، فيها قرشة وطرية بنفس الوقت. ما في داعي للفزلكات — بس المزيج المثالي الكلاسيكي من اللحمة الطيبة، الخبزة الطرية، والصوص بيجمّع كل المكونات سوا.

إذا حابين تدعمو هالشيف الطموح وتقربوه خطوة ليفتح مطعمو الخاص، زوروا إنستغرام واطلبوا الأكل! موقعو المحدد بكفريشما هون.

حبيتوا هالمقال؟ تأكدوا تشوفوا قسم #ادعم_المحلي وقسم #البرغر على موقعنا.