بتعرفوا وين تلاقوا أكبر وأطيب سندويش سمكة حرة بلبنان؟

إذا كنتوا من محبي ثمار البحر، في محل بطرابلس لازم تزوروا! مكان بيجمع بين الطعمة الخرافية، الحجم المدعوم، والأجواء اللي بتعيشكن جو البحر حرفياً.

الشيف نور: ملك السندويشات البحرية!

الشيف نور هو السر ورا هالمحل. عبقري بالمطبخ، بيحضر أطيب وأكبر سندويش سمكة حرة بلبنان، وبيضمن كل لقمة تكون مليانة طعمة ومدعومة. مش بس هيك، عندو كمان سندويش أخطبوط، قريدس، كلامار، وكلها طازة من البحر. والأحلى من هيك؟ نهار الجمعة عندو شوربة قريدس فريش، طبق لازم تجربوه لأنو مليان نكهات بتاخد العقل!

السندويشات هون أكبر من العادي، مدعومة ومليانة سمك وتتبيلة ما في متلها. كل سندويش أطيب من التانية، بتحسوا طعمة البحر بكل لقمة. سندويش السمكة الحرة عندو أسطوريية، مع سمكة مخلوطة بتتبيلة خاصة، خس طازة، بندورة، توم، بطاطا، كبيس، وخبز محمص على الفحم، كل كدشة قصة. والأجواء؟ المحل مليان بألوان البحر، من الأزرق للموج للشخاطير، والديكور المهضوم بيذكركن بالمينا والمراكب.

كل شي عم ينعمل قدام عيونكن من اللحظة اللي بتختاروا فيها شو بدكن تاكلوا، فيكن تشوفوا كل الخطوات قدامكن: تنضيف السمك، تتبيلتو، وقليو. هالشفافية بتزيد الثقة، وبتخليكن تستمتعوا أكتر.

رغم الطعمة والجودة، الأسعار كتير مدروسة. محل بيجمع بين الكرم اللبناني، الطعم العالمي، والأجواء الحلوة.

العنوان: طرابلس، المينا الكورنيش البحري بالقرب من ملاهي دادو لاند
الرقم: 204 298 03

شوفوا كمان، جربوا فتتة ورق عريش عند هيدا المحل!