عبالكن فنجان قهوة؟ روقوا راسكن بهل-١٠ كافيهات ببيروت

إذا اشتقتوا لأجواء الكافيهات اللي بتجمع بين الدفا، الأناقة، والقهوة السخنة، بيروت مليانة كافيهات مكنكنة. من البحر للشوارع الضيقة، نزورها ببيروت!

١. قهوة ٦٠، الجميزة

هيدا الكافي بجوو الستيني بيجمع كل شي بتحبو: موسيقى طرب، قهوة مختصة، ونوستالجيا الزمن الجميل. ما رح تزهقوا لأن الأجواء بتاخد العقل. مكان مميز لتغيروا جو وتروقوا مع رفقاتكن.

الرقم: 000 196 79

٢. Blend by Feras Naffaa، القنطاري

قهوة باردة أو قهوة سخنة؟ إذا حابين مكان رايق لتشتغلوا أو تقروا، هيدا الكافي هو خياركن المثالي. القهوة هون طعمتها غير وكل شي معمول بدقة وأناقة.

الرقم: 937 310 76

٣. Bouquet Délicieux، بدارو

أكل طيب، ورود حلوة، وتذكارات زغيرة بتخليكن تنسوا الدني. هيدا المكان مناسب للناس اللي بتحب الزهور والقهوة، بتقدروا تشربوا فنجان قهوة وتستمتعوا بريحة الورود المعباية المكان.

الرقم: 291 201 03

٤. Flat White، مار مخايل

مار مخايل يعني الحياة يلي منحبها، وFlat White بيعكس هالحياة بكل فنجان قهوة. الجلسة مكنكنة، والقهوة هون من النوع يلي ما بينتسى، بتجمع بين البساطة والنهة الغنية.

الرقم: 191 990 70

٥. You، المنارة

إذا بدكن شي قريب على البحر، مع فيو بشيل الهم عن القلب، ما إلكن إلا You. الجلسة هون مثالية للقهوة والهدوء، وخاصة إذا كنت حابين تغيروا جو بعيد عن الضجة.

الرقم: 992 035 70

٦. برزخ، الحمرا

بالحمرا، المنطقة يلي دايمًا فيها حركة، برزخ هوي نقطة الفصل بين العجقة والهدوء. قهوة طيبة وجلسة بسيطة، بتخليكن تحسوا حالكن بمكان بعيد عن كل شي.

الرقم: 472 909 78

٧. Edda Arabica، كليمنصو

إدا أرابيكا مش بس كافي، هوي قصة قهوة سخنة وباردة وبألذ طعمة ممكن تدوقها. جربوه وما رح تندموا.

شوفوهن هون

٨. بن، الجميزة

كافي بن هو المكان المثالي لكل عشاق القهوة. الطعمة غنية، والجلسة فيها روح لبنانية معاصرة.

الرقم: 967 111 76

٩. مكتبة عليا Aaliya’s Books، الجميزة

كافيه ومكتبة مع جو مكنكن على الآخر، هوي الخيار يلي بيجمع بين القهوة الطيبة والكتب.

الرقم: 057 954 70

١٠. La Menagerie، الأشرفية وكليمنصو

مكان بيشبه جنينة سرية. القهوة والحلو ناطرينكن، هون لكل حدا عبالوا يدلع حالو. والجلسة بتريح أعصابكن بعد نهار طويل.

الرقم: 206 201 01

شو؟ أيا كافيهات من هول بتفكروا تزوروهن؟!

عجبكن هيدا المقال عن كافيهات اشتقنا نزورها ببيروت؟ شوفوا كمان، ١١ مطعم فتح وراجع ع قلب الضاحية!