دليل أبرز مهرجانات كريسماس بلبنان لسنة 2024

مع أول نسمة برد وريحة الشتي ومنظر التلج الأبيض، بيبلش لبنان يتحضر لواحد من أجمل المواسم: موسم كريسماس! هالسنة المهرجانات والأسواق الميلادية بتوعد بأجواء بتجمع الفرح، الموسيقى، الزينة، والأكل الطيب. إذا كنتوا عم تدوروا على معارض ومهرجانات، حفلات، أو أسواق لشراء هدايا مميزة، هالدليل الشامل رح ياخدكن بجولة على أبرز مهرجانات كريسماس بلبنان لسنة 2024. جاهزين تعيشوا سحر عيد الميلاد؟

١. Batroun Capitale de Noël | البترون

من 29 تشرين التاني 2024 لـ 1 كانون التاني 2025، السوق الميلادي بـ البترون القديمة رح يكون الوجهة المثالية لروح العيد. كيوسكات بتقدم أكل ومنتجات ميلادية، زينة بتجنن، وأجواء بتاخد العقل لكل الأعمار.

الرقم: 049 799 81

٢. سوق الميلاد بـ The Koozspace | بعبدا

جهز حالك لـ 3 أيام من أجواء الميلاد بـ The Koozspace ببعبدا. السوق رح يكون من 13 لـ 15 كانون الأول، وبيجمع تشكيلة مميزة من الهدايا، الأكل، وكل شي خصو بروح الميلاد.

الرقم: 208 195 81

٣. Holiday Gallery تنظيم in action events | النقاش

عيشوا سحر كريسماس بأول Holiday Gallery بـ النقاش! المعرض رح يكون من 5 لـ 12 كانون الأول، مع أكتر من 26 عارض محلي بيقدموا أزياء، إكسسوارات، مجوهرات، وديكور منزلي. إذا كنتوا عم تدوروا على هدايا ستايلش ومميزة، ما إلكن غير هون.

الرقم: 770 288 81

٤. بيروت ترنم | Beirut Chants

متل العادة، بيروت رح تضوي بأحلى الرسيتالات المجانية بهالموسم. من كنيسة مار بطرس وبولس بقرنة شهوان مع غادة شبير، للمرنمة ريبل وهبة بدير سيدة البلمند، وكارلا شمعون لي رح تغني بكنيسة يسوع الملك بزوق مصبح. الرسيتالات موزعة بين الكنايس والجامعات وحتى السفارات، وكلها بلمسة فنية وميلادية.

زوروا موقعن للمزيد من التفاصيل.

٥. Christmas of Hope | ضبيه

من 27 لـ 30 تشرين التاني، معرض الميلاد السنوي لـ SESOBEL بمركزن بضبيه بيقدم منتجات مميزة لدعم أعمالهم الخيرية. فرصة تجمع بين الشوبينغ وعمل الخير.

الرقم: 435 235 09

٦. L’auberge de Noël مع Cynthia Karam تنظيم Bouffons | مونو

حفلة ميلادية بتاخدكن لعالم الأحلام مع سينتيا كرم والشخصيات الميلادية المحبوبة. الحفلات رح تصير بمسرح مونو بـ 7، 8، 13، 15، 20، 21، 22 و23 كانون الأول. العرض بـ 3 لغات: عربي، فرنسي، وإنغليزي.

الرقم: 003 849 03

٧. Peppa’s Christmas Party تنظيم Fun Plus One | سيوفي

إذا عندكن ولاد بيحبوا بيبا، ما تنسوا تحجزوا تذاكر لحفلة Peppa’s Christmas Party! الشو بـ 7 كانون الأول الساعة 11 صباحاً و3 بعد الضهر، بمسرح SSCC Sioufi. كل العيلة رح تستمتع مع بيبا وأصحابها بأجواء ميلادية ولا أروع.

الرقم: 501 120 03

٨. قرية الميلاد بـ The Backyard | الحازمية

زوروا السوق الميلادي الممتع بـ The Backyard الحازمية، وجربوا أطيب الأكل بالمطاعم اللي حواليه. أجواء مثالية للزغار والكبار.

الرقم: 088 922 71

٩. Polar Paradise | بيت مسك

من 17 لـ 22 كانون الأول، بيت مسك رح يكون مليان ألعاب، عروض، ولقاءات مع سانتا والشخصيات المحبوبة. البسوا أبيض أو أزرق وعيشوا أجواء الميلاد التلجية.

الرقم: 945 889 03

١٠. Zalka Joie de Noël تنظيم Street Festival | الزلقا

من 20 لـ 23 كانون الأول، الشوارع رح تعج بالموسيقى، الأكل الطيب، والرقص بـ مهرجان Joie de Noël بالزلقا. ما تنسوا تزوروا المعارض والمونة وتجربوا الأجواء الميلادية الفريدة.

الرقم: 420 004 81

١١. Christmas in Peace تنظيم Street Festival | مار شعيا

من 13 لـ 29 كانون الأول، قرية عيد الميلاد بمزرعة مار شعيا رح تجمعكن مع أجواء الكنيسة، حديقة الحيوانات، المتاجر، وأكلات الميلاد الشهية. تجربة مناسبة للعيلة كلها.

الرقم: 420 004 81

١٢. Christmas on Ice | عرض ميلادي

قرروا إنو يأجلوا Christmas on Ice 2 للسنة الجاية بسبب الأوضاع الحالية بلبنان. بس بعدن مصرين ينشروا أجواء الميلاد! العرض رح يكون حضوري وكمان أونلاين ومجاني لكل الناس، والتواريخ ما تحددت بعد. تابعوا صفحتن للمزيد من المعلومات.

الرقم: 101 219 81

١٣. سوق عيد الميلاد 2024 بـ Unicorn Coffee House | برمانا

من 5 لـ 6 كانون الأول 2024 من الساعة 5 العصر للساعة 10 المسا، ومن 7 لـ 8 كانون الأول من الساعة 12 الضهر للساعة 10 المسا، السوق الميلادي بـ Unicorn Coffee House هو المكان المثالي لتعيشوا أجواء العيد. زوروا الكيوسكات المليانة أكل ومنتجات ميلادية، واستمتعوا بزينة العيد وأجواء عائلية ما بتتفوت.

الرقم: 966 822 71

١٤. Le Marché aux Puces (نسخة عيد الميلاد) | برج حمود

من 12 لـ 15 كانون الأول 2024 من الساعة 12 الظهر للساعة 10 المسا، Le Marché aux Puces بـ Union Marks ببرج حمود رح يكون وجهة مميزة لكل محبي كريسماس. كيوسكات بتقدم منتجات فريدة وزينة ميلادية بتجنن بأجواء ما بتتكرر.

الرقم: 979 591 03

١٥. سوق البلد (نسخة عيد الميلاد) | وسط بيروت

من 7 لـ 29 كانون الأول 2024، سوق البلد بوسط بيروت قرب أيشتي رح يكون عنوان الاحتفالات الميلادية. السوق بيستقبل زوارو من الساعة 4 بعد الضهر لـ 11 بالليل بأيام الأسبوع، ومن الساعة 12 الضهر لـ 12 نص ليل خلال الويك أند. أجواء ميلادية، منتجات رائعة، وزينة ميلادية!

الرقم: 376 839 81

١٦. JMV – مدرسة دار النور | الكورة

من 13 لـ 15 كانون الأول 2024، مدرسة دار النور بالكورة عم تعمل فعاليات ميلادية مثالية لكل العيلة. رح يكون في أنشطة للأطفال، عرض مسرحي مع Kazadoo وCalinou، ونشاطات مع سانتا يلي رح تخلي الكل مبسوطين. بالإضافة، كيوسكات أكل لذيذ، أكسسوارات مميزة، وأجواء بتجنن.

الرقم: 068 238 81

١٧. Le Boulevard de Noël | زوق مصبح

من 13 لـ 15 كانون الأول 2024، Le Boulevard de Noël رح يكون الوجهة المثالية لروح العيد. كرنفالات ضخمة، عروض حلوة منها عرض ل Kazadoo ول Ghinwa، موسيقى مباشرة، ونشاطات ممتعة لكل الأعمار.

الرقم: 273 263 70

١٨. Souk el Eid at Souk el Tayeb | مار مخايل

من السبت 21 كانون الأول 2024 من الساعة 5 المسا، والأحد ٢٢ والتنين ٢٣ كانون الأول من الساعة 12 للساعة 8 المسا، سوق العيد بـ Souk el Tayeb هو المحطة الأساسية لدعم المنتجين والحرفيين المحليين هالعيد. عيشوا أجواء العيد مع أطيب المأكولات والمشروبات الموسمية، تسوقوا منتجات محلية مميزة، اكتشفوا الحرف اليدوية اللبنانية، واستمتعوا بأنشطة وورش عمل بتناسب كل الأعمار.

الرقم: 060 266 81

١٩. Bnoss Jounieh | جونيه

من 19 لـ 23 كانون الأول 2024، رح تتزيّن ساحة بلدية جونيه بأجواء ولا أروع مع Christmas Bnoss Jounieh ليالي مليانة أضواء ميلادية، عروض مباشرة، سوق ميلادي، عرض Kazadoo للأطفال، وأكتر من هيك، من الساعة 6 المسا للـ 12 نص الليل.

الرقم: 000 913 09

٢٠. Hammana Christmas Market | حمانا

من 13 لـ 15 كانون الأول 2024، سوق حمانا الميلادي بيجمع كل شي بتحبوه بأجواء العيد. أنشطة للأطفال، استعراضات، تحدّي سانتا، ألعاب ومسابقات، فرق موسيقية مباشرة، تراتيل ميلادية، وكيوسكات مليانة مأكولات، مشروبات، وهدايا مميزة.

الرقم: 772 328 70

وين حابين تروحوا أول شي؟

شوفوا كمان، هون فيكن تاكلوا لقمة بيتوتية نهار الأحد بين التلجات