عرس لبناني-صيني صار حديث الناس: زفة ورقصة الأسد بجو أسطوري!

انتشر فيديو خفيف ومهضوم، على صفحة Lion Dance Kids على تيك توك لمشهد من عرس لبناني-صيني خلط تقاليد الطرفين بطريقة ولا أروع! الفيديو صار ترند وجمع أكتر من مليون مشاهدة، وأظهر كيف الزفّة اللبنانية تداخلت مع رقصة الأسد الصينية المميزة، ومزجت أجواء الفرح بين الثقافتين بأحلى صورة.

عرس لبناني-صيني بجو احتفالي

ليلي ما بيعرف Lion Dance Kids، هني فرقة أسترالية معروفين كتير، مهمتن إنو يعرّفوا الأستراليين على الثقافة الصينية. آخر فيديو لإلن، عرض رقصة الأسد التقليدية ضمن عرس عم تضفي علي الزفة اللبنانية إيقاع بيعطي هيبة ونفحة لبنانية تقليدية.

فيكن تشوفوا الفيديو هون:

الزفّة اللبنانية، المعروفة بفرحة وهضامة العرسان والمحبين، تداخلت مع التقاليد الصينية يلي بيقولوا إنها بتجيب الحظ الحلو، وحوّلت العرس لأجواء فرح وحيوية بتخلي الواحد يقول يا ريت كان هونيك!

نحنا عن جد حبّينا هالخلطة المميزة بين تقاليد بعيدة عن بعضها، بس في شغلة أكيدة: الطرفين عرفوا كيف يولعوا الجو ويفرحوا الناس!

غير هيك، هيدا الفيديو رجعنا لأيام الأعراس اللبنانية يلي عن جد اشتقنالا، خصوصي بهالفترة الصعبة.

شوفوا كمان، ١٧ شغله بتنقال بالرجعة من كل عرس لبناني